Search
ᐊᖑᑎᐅᑉ ᑎᒥᖓ
ᓇᔾᔨᑎᑦᑎᔪᓐᓇᐅᑎᖓ ᐊᖑᑎᐅᑉ ᑎᒥᖓᓂ ᐊᓕᐊᓇᐃᒍᓐᓇᖅᐳᖅ ᐅᑯᐊᓗ ᐊᑐᖅᑐᑎᒃ ᑯᔭᑦᑐᑎᒃ ᐊᒻᒪᓗ ᖁᓄᓪᓗᑎᒃ, ᓇᔾᔨᑎᑦᑎᓪᓗᑎᒃ ᖃᐸᓕᐅᖅᑐᑎᒃ ᒪᓐᓂᓕᐅᕈᓐᓇᖅᑐᑎᒃ.
ᐊᖑᑎᐅᑉ ᐊᑯᓛᖏᒃ ᐃᓚᖓᒍᑦ ᑕᑯᔅᓴᐅᕗᑦ ᑎᒥᖓᑕ ᓯᓚᑖᓂ ᐃᓚᖓᓗ ᑕᕐᕆᓯᒪᓪᓗᓂ ᑎᒥᖓᑕ ᐃᓗᐊᓂ. ᐃᓗᓕᓕᒫᖏᑦ ᐋᓐᓂᐊᖅᑐᓕᕆᔨᓄᑦ ᐊᑐᖅᑕᐅᓲᓂᒃ ᑕᐃᔭᐅᔾᔪᓯᖃᖅᐳᑦ ᐊᓯᖏᓐᓂᓪᓗ ᐊᑎᖃᖅᑎᑦᑎᓲᖑᓪᓗᑎᒃ ᐃᓚᖏᑦ.
ᐅᓱᒃ
ᐅᓱᒃ ᐊᖑᑎᐅᑉ ᑎᒥᖓᑕ ᓯᓚᑖᓂ ᓂᕕᖓᕗᖅ ᐊᑯᓛᖓᓂ ᐊᑖᓂ ᐅᓲᑉ ᖃᓱᖓᔪᖅ ᐅᕕᓂ ᑕᐃᔭᐅᕗᖅ ᐴᐹᕐᒥᒃ. ᐃᓱᐊᓂ ᒪᑐᐃᕐᕕᖃᖅᐳᖅ ᑕᐃᔭᐅᔪᖅ ᖁᐃᕕᒻᒥᑦ. ᐊᖑᑏᑦ ᖁᐃᓲᖑᕗᑦ ᖁᐃᕕᒃᑯᑦ. ᑖᓐᓇ ᐊᒻᒪᔪ ᖃᐹᕿᓲᖑᕗᖅ ᐅᓱᖓᓂ ᖁᓄᒐᐃᒻᒪᑦ.
ᐃᓱᒫᓗᒋᔭᐅᓂᖅᐸᐅᖃᑕᐅᕗᖅ ᐊᖑᑎᓄᑦ ᐊᖏᓂᖓ ᐅᓱᖓᑕ. ᐊᔾᔨᒌᓐᖏᑦᑑᑏᓐᓇᐅᕗᑦ ᐊᖑᑏᑦ ᐅᓱᖏᑦ ᖃᑦᑎᓂᒃ ᐅᑭᐅᖃᕋᓗᐊᖅᐸᑦ. ᐅᓱᖓᑕ ᐊᖏᓂᖓ ᐱᔾᔪᑎᖃᓐᖏᓚᖅ ᐊᕐᓇᒥᑦ ᐊᓕᐊᓇᐃᒍᓱᑦᑎᑦᑎᔪᓐᓇᕐᓂᕐᒥᑦ ᑯᔭᑦᑎᓪᓗᒋᒃ. ᑖᓐᓇ ᐅᓱᒃ ᐊᐅᒪᒃᑲᔪᑉᐳᖅ. ᑭᓯᐊᓂ ᐊᖑᑦ ᓯᔅᓴᓕᖅᐸᑦ, ᐊᐅᒃ ᓄᐊᒻᒪᑦ ᐅᓱᒻᒪᑦ ᐊᓂᐊᓐᖏᓂᖅᓴᐅᓪᓗᓂ.
ᐊᖏᓪᓕᕙᓪᓕᐊᓲᖏᕗᖅ ᐅᓱᒃ ᐊᒻᒪᓗ ᑎᓯᑦᑎᖅᑐᓂ ᑕᐃᔭᐅᔪᖅ ᓯᔅᓴᓂᕐᒥᒃ. ᐊᑯᓐᓈᕿᕗᖅ ᐅᓱᒃ 5 ᐅᕝᕙᓘᓐᓃᑦ 6 ᐃᓐᓯᓂᒃ ᓯᔅᓴᑎᓪᓗᒍ.
ᓯᔅᓴᓂᓕᒫᑦ ᑯᔭᓐᓂᒃᑰᓐᖏᓚᑦ. ᐊᖑᑏᑦ ᐱᓗᐊᖅᑐᒥ ᒪᒃᑯᓂᖅᓴᐃᑦ ᓯᔅᓴᓕᑲᓪᓚᓲᖑᕗᑦ ᖃᖓᑐᐃᓐᓇᒃᑯᑦ. ᑕᐃᔭᐅᔪᑦ ᓯᔅᓴᓕᑲᓪᓚᓐᓂᕐᒥᑦ ᑕᐃᒫᑐᐃᓐᓇᖅ, ᖃᖓᑕᐃᓐᓈᑦᑎᐊᖅᑐᑎᒃ. ᑕᒪᓐᓇ ᑲᓐᖑᓇᖅᑑᔪᓐᓇᖅᐳᖅ. ᑭᓯᐊᓂ ᖃᓄᐃᒍᓐᓃᖅᑕᐅᑎᒋᓲᖑᕗᑦ ᐃᑉᐱᒋᑦᑕᐃᓕᒐᓱᐊᕐᓗᒋᑦ. ᐊᒥᓱᑦᑕᐅᖅ ᐊᖑᑏᑦ ᓯᔅᓴᓕᓲᖑᕗᑦ ᓯᓂᑦᑎᓪᓗᒋᑦ ᐊᒻᒪᓗ ᑕᒪᐅᓇᑐᐃᓐᓇᖅ ᖁᓄᓲᖑᓪᓗᑎᒃ ᓯᓂᑦᑎᓪᓗᒋᑦ. ᑕᒪᓐᓇ ᑕᐃᔭᐅᔪᖅ “(ᖃᓪᓗᓈᑎᑐᑦ) ᖃᐅᓯᕐᒥᑦ ᓯᓐᓇᑐᖅᑐᖅ” ᑕᐃᒪᐃᓲᖑᓐᓇᐅᓪᓗᑎᓪᓗ.
ᐃᓚᖏᑦ ᐊᖑᑏᑦ ᐴᐹᖏᑦ ᑭᐱᔭᐅᓯᒪᕗᑦ ᑕᒪᓐᓇ ᑐᑭᖃᖅᐳᖅ ᐅᕕᓂᖓ ᐅᓲᑉ (ᐴᐹᖓ) ᑭᐱᔭᐅᓪᓗᓂ ᐃᓅᒻᒪᑦ. ᐃᓚᖏᑦ ᐊᖑᑏᑦ ᑭᐱᔭᐅᓯᒪᓐᖏᓚᑦ. ᐊᖑᑏᑦ ᑭᐱᔭᐅᓯᒪᓐᖏᑦᑐᑦ ᓄᐃᑦᑎᒋᐊᖃᓲᖑᕗᑦ ᐅᓱᒻᒥᓂᒃ ᖁᐃᓂᐊᓕᕋᐃᒻᒪᑕ ᐴᐹᖓᓂ ᖁᐃᑎᓪᓗᒋᑦ ᐅᕝᕙᓘᓐᓃᑦ ᐅᐊᓴᐃᑎᓪᓗᒋᑦ.
ᐃᔾᔪᖃᕐᕕᒃ
ᐃᔾᔪᖃᕐᕕᒃ ᖃᓱᖓᕗᖅ ᐅᕕᓂ ᐅᓲᑉ ᐃᓱᐊᓂ ᐃᓗᐊᓃᑦᑐᑎᒃ ᐃᔾᔫᒃ. ᒪᓕᑦᑐᒍ ᖃᓄᑎᒋ ᐃᒃᑮᓇᕐᓂᖓ ᐅᕝᕙᓘᓐᓃᑦ ᐅᖅᑰᓇᕐᓂᖓ ᐊᒻᒪᓗ ᐊᖑᑦ ᓯᔅᓴᑉᐸᑦ ᓯᔅᓴᖏᑉᐸᓪᓘᓐᓃᑦ ᑖᓐᓇ ᐃᔾᔪᖃᕐᕕᖓ ᑕᓯᒍᓐᓇᖅᐳᖅ ᐃᕿᒍᓐᓇᖅᑐᓂᓗ.
ᐃᔾᔫᒃ
ᒪᕐᕉᕘᒃ ᐃᔾᔫᒃ (ᐃᓛᓐᓂᒃᑯᑦ ᑕᐃᔭᐅᓲᒃ ᐊᖅᓵᓐᓂᒃ (ᖃᓪᓗᓈᑎᑐᑦ) ᐃᓗᐊᓃᑦᑑᒃ ᐃᔾᔪᖃᕐᕖᒃ. ᒪᕐᕉᒃ ᐃᔾᔫᒃ ᐱᕈᓲᖑᔫᒃ ᐊᖏᓪᓕᓪᓗᑎᒃ ᐊᒻᒪᓗ ᖃᐸᑖᖅᑐᑎᒃ ᐊᖑᑏᑦ testosterone. ᐱᐅᓂᖅᓴᐅᕗᖅ ᐃᓗᐊᓃᓐᖏᖔᕐᓗᑎᒃ ᑎᒥᖓᑕ. ᐋᓐᓂᖅᓴᕋᐃᑦᑐᒻᒪᕆᐅᕘᒃ. ᐊᖑᑦ ᖁᓄᑉᐸᑦ, ᖃᐹᕿᓲᖑᕗᖅ ᑎᒥᖓᑕ ᐃᓗᐊᓃᓐᖔᖅᑐᓂᒃ ᑎᒻᒥᑲᓲᖑᓪᓗᓂ ᐅᓱᖓᓂᑦ.
ᓘᑦᑖᑦ ᐅᖃᖃᑦᑕᖅᐳᑦ ᐊᖑᑏᑦ ᐃᔾᔪᒥᓐᓂᒃ ᓇᒻᒥᓂᖅ ᖃᐅᔨᓴᖃᑦᑕᖁᓪᓗᒋᑦ ᐊᑕᐅᓯᐊᕐᓗᑎᒃ ᑕᖅᑭᒥ ᖃᓄᐃᓐᖏᒃᑲᓗᐊᕐᒪᖔᑕ. ᐊᑖᓂ ᖃᕋᓴᐅᔭᒃᑯᑦ ᖃᐅᔨᒋᐊᕐᕕᔅᓴᐅᕗᖅ ᑐᑭᓯᒋᐊᒃᑲᓐᓂᕈᒪᒍᕕᑦ ᐊᔾᔨᖅᓱᕈᓐᓃᕐᓂᕈᕕᑦ ᐃᔾᔪᒃᑯᑦ:
ᖃᐸᖃᕐᕕᒃ
ᖃᐸᖃᕐᕕᒃ ᐃᕐᓂᑭᑉᑑᕗᖅ ᑕᑎᔫᓪᓗᓂᓗ ᓱᓪᓗᑯᑖᒃ ᐊᑦᑐᐊᔪᖅ ᐃᔾᔫᓐᓄᒃ ᖃᐸᖃᕐᕕᒻᒧᑦ. ᖃᐸᖃᕐᕕᐅᓪᓗᓂ ᓴᓇᔭᐅᓲᖅ ᐃᓗᐊᓂ ᐃᔾᔫᒃ.
ᖃᐸᖃᕐᕕᒃ
ᖃᐸᖃᕐᕕᒃ ᖃᐸᓕᐅᖅᑐᒦᓐᖔᖅᐳᖅ ᐊᑐᐃᓐᓇᕈᖅᓴᐃᔪᖅ ᖁᓄᓂᐊᖅᑎᓪᓗᒍ. ᖁᓄᓂᖓᓂ ᖃᐸᖃᕐᕕᒃ ᐊᓂᐊᑦᑎᕗᖅ ᐅᓱᒻᒨᖅᑲᕐᓂᐊᖅᑐᒥᒃ.
ᖃᐸᓕᐅᕈᑦ
ᖃᐸᓕᐅᕈᑦ ᖃᐅᓯᐅᕗᖅ ᐃᓚᐅᕈᑎᓪᓗᓂ ᖃᐸᒧᑦ ᖁᓄᓚᐅᓐᖏᓐᓂᖓᓂ.
ᖃᐸᖃᐅᑦ
ᐊᐅᓚᓂᓪᓗᐊᑕᕆᕚ ᖃᐸᖃᐅᑎᐅᑉ ᐃᓗᓕᖃᕐᕕᒋᓪᓗᓂᐅᒃ ᖃᐅᓯᖅᑑᑉ 25-35%-ᒥᒃ ᖃᐸᒥᒃ. ᑖᓐᓇ ᖃᐅᓯᖅᑐᖅ ᐃᓚᖃᖅᑐᓂ ᖃᐸᒥᒃ ᖃᐸᓕᐅᕈᒻᒥᓪᓗ. ᖃᐸᖃᐅᑦ ᐆᒪᑎᑦᑎᓲᖑᕗᖅ ᖃᐸᒥᑦ ᐊᑯᓂᐅᓂᖅᓴᖅ ᐅᑦᑑᑉ ᐃᓗᐊᓃᓕᖅᑎᓪᓗᒍ. ᖃᐸᖃᐅᑦ ᐃᕆᐸᔫᕗᖅ ᑕᖏᓕᒃ ᐃᑲᔪᖅᑐᓂ ᐊᓂᐊᑦᑎᑎᓪᓗᓂ ᐅᓱᒃᑯᑦ ᖁᓄᑎᓪᓗᒍ.
ᐅᑯᐊ ᖃᐅᔨᒋᐊᕐᕕᔅᓴᐅᑦᑎᐊᕆᕗᑦ ᐊᖑᑎᐅᑉ ᐊᑯᓛᖏᑕ ᒥᔅᓵᓄᑦ ᖃᕋᓴᐅᔭᒃᑯᑦ ᑐᕌᕈᑏᑦ.