ᐃᓛᓐᓂᒃᑯᑦ ᑕᖃᓲᖏᓐᓇᐅᕗᒍᑦ, ᐃᓱᒪᔮᖅᑐᑕ, ᖁᕕᐊᓱᓐᓇᑕ ᐊᒻᒪᓗ ᓂᓐᖓᐅᒪᓪᓗᑕ - ᑕᒪᓐᓇ ᐃᓅᓯᐅᑉ ᐃᓚᒋᒻᒪᒍ. ᑭᓯᐊᓂ ᐃᓛᓐᓂᒃᑯᑦ ᑕᒪᒃᑯᐊ ᐊᓂᒍᕈᓐᓇᐃᓕᓲᖑᕗᑦ. ᑕᐃᒪᐃᑦᑎᓪᓗᒍ ᐅᕙᒍᑦ ᐃᓅᓯᖓᓂ ᐊᑦᑐᐃᓲᖑᕗᖅ - ᐃᓕᓐᓂᐊᕐᕕᒻᒥ ᐱᓕᕆᐊᑦᑎᓐᓄᑦ, ᐃᓚᑦᑎᓐᓄᑦ, ᐱᖃᓐᓇᕆᔭᑦᑎᓐᓄᑦ ᐊᒻᒪᓗ ᐊᐃᑉᐸᖅᑎᓐᓄᑦ. ᑕᐃᒪᐃᑦᑎᓪᓗᑕ ᖁᕕᐊᒋᕙᓚᐅᖅᑕᕗᑦ ᖁᕕᐊᓇᕈᓐᓃᓲᖑᕗᑦ - ᓲᕐᓗ ᐱᓐᖑᐊᖃᑦᑕᕐᓂᖅ ᐃᖃᐃᓕᓴᖅᑐᓂ, ᑕᓚᕖᓴᒃᑯᑦ ᐱᓐᖑᐊᖃᑦᑕᕐᓂᖅ ᐊᒻᒪᓗ ᐱᖃᓐᓇᕆᔭᓐᓂᑦ ᐱᖃᑎᖃᕐᓂᖅ. ᐃᓛᓐᓂᒃᑯᑦ ᐊᔅᓱᐊᓘᓗᐊᓕᕋᐃᒐᑦᑕ ᐃᓱᒪᓕᖃᑦᑕᖅᐳᒍᑦ ᓇᒻᒥᓂᖅ ᐋᓐᓂᕆᐊᖓ ᑎᒥᒃᑯᑦ ᐅᕝᕙᓘᓐᓃᑦ ᐃᓅᔪᒪᒍᓐᓃᖅᑐᑕ.

ᐃᓚᐅᖃᑦᑕᕐᓂᖅ ᐃᓄᓐᓄᑦ ᐃᓕᓐᓂᑦ ᐃᑉᐱᒍᓱᑦᑎᐊᖅᑐᓂᒃ ᐊᒻᒪᓗ ᐃᓱᒪᒋᔭᖃᑦᑎᐊᖅᑐᓂᒃ ᐱᒻᒪᕆᐅᕗᖅ ᐃᓱᒪᓐᓄᑦ. ᑖᒃᑯᐊ ᓂᓪᓕᐊᕕᒋᔪᓐᓇᖅᐸᑎᑦ ᐃᕝᕕᑦ ᐅᕝᕙᓘᓐᓃᑦ ᐱᖃᓐᓇᕆᔭᐃᑦ ᑕᖃᒪᓗᐊᖅᐸᑦ, ᐃᓱᒪᔮᖅᐸᑦ ᐅᕝᕙᓘᓐᓃᑦ ᓂᓐᖓᐅᒪᑉᐸᑦ ᐱᐅᓯᒍᓐᓇᐃᓕᑉᐸᑦ. ᑖᒃᑯᐊ ᐃᓄᐃᑦ ᐅᑯᐊᖑᔪᓐᓇᖅᐳᑦ ᐃᓚᒋᔭᑎᑦ, ᐃᓕᓐᓂᐊᕐᕕᒻᒥ ᐃᑲᔪᖅᑎ, ᐃᓕᓴᐃᔨ, ᐃᓄᓕᕆᔨ, ᒪᒃᑯᑦᑐᓕᕆᔨ ᐅᕝᕙᓘᓐᓃᑦ ᓄᓇᓕᒻᒥᐅᓄᑦ ᐃᑲᔪᖅᓱᖅᑎ.

ᐃᕝᕕᑦ ᐱᖃᓐᓇᕆᔭᐃᓪᓘᓐᓃᑦ ᐃᓱᒪᖃᑦᑕᕈᕕᑦ ᐊᒻᒪ ᐃᓱᒪᖃᑦᑕᖅᐸᑦ ᓇᒻᒥᓂᖅ ᐋᓐᓂᕈᒪᓪᓗᓂ ᐅᕝᕙᓘᓐᓃᑦ ᐃᒻᒥᓃᕈᒪᓪᓗᓂ ᐱᒻᒪᕆᐅᕗᖅ ᐃᑲᔪᖅᑕᐅᑦᑕᐅᑎᒋᒍᕕᑦ ᐃᑲᔪᖅᑕᐅᑦᑕᐅᑎᒋᑉᐸᑦ. ᑲᑉᐱᐊᓱᑦᑕᐃᓖᑦ ᐅᖃᖃᑎᖃᕆᐊᖓ ᐱᖃᓐᓇᕆᔭᓐᓄᑦ ᐃᒻᒥᓃᕈᒪᒍᕕᑦ - ᐅᖃᖃᑎᖃᕐᓂᖅ ᐃᓕᓐᓄᑦ ᐱᖃᓐᓇᕆᔭᓐᓄᓪᓘᓐᓃᑦ ᐊᑲᐅᓯᓇᕐᒪᑦ. ᐱᕕᔅᓴᖃᐊᑕᐅᒋᕗᖅ ᐃᓕᓐᓄᑦ ᐱᖃᓐᓇᕆᔭᓐᓄᓪᓘᓐᓃᑦ ᐃᑲᔪᕈᓐᓇᑦᑎᐊᕐᓂᕐᒥᒃ.

ᓇᓂᓯᔪᓐᓇᕈᕕᑦ ᓱᓕᔪᕆᑦᑎᐊᖅᑕᕐᓂᒃ ᐅᖃᖃᑎᒋᔪᓐᓇᖅᑕᕐᓂᒃ, ᐅᑯᐊ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᔅᓴᐅᕗᑦ ᐊᒻᒪᓗ ᐅᖄᓚᐅᑏᑦ ᐅᖄᓚᕕᔅᓴᐅᕗᑦ ᐃᑲᔪᖅᑕᐅᔪᒪᔪᓄᑦ. ᑖᒃᑯᐊ ᐊᑭᖃᓐᖏᑦᑐᐃᓐᓇᐅᕘᒃ ᐊᒻᒪᓗ ᑲᓐᖑᓇᖅᑑᑎᑕᐅᓪᓗᓂ - ᐅᖄᓚᕕᒋᔭᐃᑦ ᐅᖄᓚᐅᑎᒃᑯᑦ ᖃᐅᔨᒪᒐᔭᓐᖏᓚᖅ ᑭᓇᐅᒻᒪᖔᖅᐱᑦ ᓇᑭᓪᓗ ᐅᖄᓚᒻᒪᖔᖅᐱᑦ.

• ᑲᒪᑦᓯᐊᖅᑐᑦ ᐊᑭᖃᓐᖏᑦᑐᖅ ᐅᖄᓚᐅᑎᖓ ᖃᕋᓴᐅᔭᒃᑯᑦ ᑐᕌᕈᑎᖓ – 867-979-3333 or 1-800-265-3333
• ᓱᕈᓯᕐᓄᑦ ᐃᑲᔪᖅᑕᐅᕕᒃ ᐅᖄᓚᐅᑦ – 1-800-668-6868
• ᐃᓱᒪᐃᑦ ᑲᒪᒋᑦᑎᐊᕈᒃ
• ᐃᑲᔪᖅᑕᐅᔪᒪᓗᑎᑦ ᐅᖃᕆᑦ