ᐃᓱᒪᒋᔭᖃᑦᑎᐊᕐᓂᖅ ᑎᒥᓐᓂᒃ ᑐᑭᖃᖅᐳᖅ ᑲᒪᑦᑎᐊᕐᓂᕐᒥᑦ ᑎᒥᓐᓂᒃ. ᑭᓱᓂᒃ ᓂᕆᕙᓐᓃᑦ ᐊᒻᒪᓗ ᖃᓄᑎᒋ ᐊᐅᓚᓇᖅᑐᓕᕆᕙᒻᒪᖔᖅᐱᑦ ᐊᑦᑐᐊᔪᒻᒪᕆᐅᕗᖅ ᑎᒥᓐᓄᑦ, ᐃᓱᒪᓐᓄᑦ ᐊᒻᒪᓗ ᐃᓗᒃᑯᑦ ᐃᑉᐱᓐᓂᐊᓂᕐᓄᑦ. ᐊᐅᓚᓇᖅᑐᓕᕆᖃᑦᑕᕐᓂᖅ ᐃᑲᔫᑎᖃᑦᑎᐊᖅᐳᖅ ᑎᒥᓐᓄᑦ ᓴᓐᖏᔫᑎᑦᑎᔪᓐᓇᖅᑐᓂ, ᐃᓱᒪᒃᑯᑦ ᓴᓐᖏᓇᖅᑐᓂ ᐊᒻᒪᓗ ᐆᒻᒪᑦᑎᐊᕆᓐᓇᖅᑐᓂ. ᐱᓱᖃᑦᑕᕐᓂᖅ, ᐱᓐᖑᐊᖃᑦᑕᕐᓂᖅ ᐃᖃᐃᓕᓴᕐᕕᒻᒥ ᐊᒻᒪᓗ ᓯᓚᒥ. ᑕᒪᓐᓇ ᐊᑦᑐᐃᓂᖃᕐᓂᐊᖅᐳᖅ ᖃᓄᖅ ᐃᑉᐱᓐᓂᐊᓂᒻᒪᖔᖅᐱᑦ ᐊᒻᒪᓗ ᖃᓄᐃᓐᓂᐊᕐᓂᖓᓂᑦ ᑎᒦᑦ.

ᓂᕿᑦᑎᐊᕙᑦᑐᖃᑦᑕᕐᓂᖅ ᑐᑭᖃᖅᐳᖅ ᓂᕆᖃᑦᑕᕐᓂᕐᒥᑦ ᓰᕐᓇᖅᑐᓂᑦ ᐱᕈᖅᑐᒥᓂᕐᓂᑦ ᐊᒻᒪᓗ ᑐᖑᔪᖅᑐᕈᔪᓐᓂᑦ ᐱᓐᖏᖔᖃᑦᑕᕐᓗᑎᑦ ᓂᕿᑲᒻᒪᓂᒃ ᒪᑯᓂᖓ ᐸᑏᑎᓂᒃ, ᐃᒥᒐᕐᓂᑦ ᐊᒻᒪᓗ ᑯᑯᓂᒃ. ᐊᒻᒪᓗ ᓂᕆᑦᑎᐊᖃᑦᑕᕐᓗᑎᑦ ᓂᕿᑐᐃᓐᓇᕐᓂᑦ ᓲᕐᓗ ᐃᖃᓗᒥᓂᕐᓂᑦ, ᑐᑦᑎᑐᒥᓂᕐᓂᑦ ᐊᓯᖏᓐᓂᓪᓗ “ᐃᓄᔅᓯᐅᑎᓂᒃ”.

ᖃᕋᓴᐅᔭᒃᑯᑦ ᖃᐅᔨᒋᐊᕐᕕᔅᓴᑦᑎᐊᕙᐅᕗᖅ ᐊᑖᓂ ᑐᕌᕈᑎ ᓂᕿᑦᑎᐊᕙᓕᕆᓂᕐᒧᑦ ᐊᒻᒪᓗ ᖁᐃᑦᑎᑦᑕᐃᓕᓇᓱᐊᕐᓂᕐᒧᑦ. ᖃᐅᔨᒋᐊᖁᔪᖅ.

• ᓄᓇᕗᒻᒥ ᓂᕿᑦᑎᐊᕙᓕᕆᓂᕐᒧᑦ ᐊᑐᐊᒐᐃᑦ
• ᓂᕿᑦᑎᐊᕙᐃᑦ ᐊᒻᒪᓗ ᐃᖃᐃᓕᓴᖃᑦᑕᕐᓂᖅ

ᓂᕈᐊᒐᖃᖃᑦᑕᖅᐳᒍᑦ ᓂᕿᑦᑎᐊᕙᑦᑐᕈᒪᒍᑦᑕ ᖃᐅᑕᒫᑦ. ᓂᕈᐊᖅᑕᐅᕙᑦᑐᑦ ᓂᕆᔭᔅᓴᐃᑦ ᐊᑦᑎᑐᐃᓂᖃᖅᐳᑦ ᓇᒦᓐᓂᕐᓂᑦ ᖃᓄᖅ ᐃᓅᓯᖃᕐᒪᖔᖅᐱᑦ, ᐃᖅᑲᓇᐃᔭᕐᒪᖔᖅᐱᑦ, ᐃᓕᓐᓂᐊᕐᒪᖔᖅᐱᑦ ᐊᒻᒪᓗ ᐱᓐᖑᐊᖅᑎᐅᒻᒪᖔᖅᐱᑦ. ᑕᕝᕙᓂ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᔅᓴᒥ ᑐᑭᓯᒋᐊᕈᑎᑕᖃᑦᑎᐊᖅᐳᖅ ᑎᒥᒧᑦ ᐃᑲᔫᑎᖃᑦᑎᐊᖅᑐᑦ ᒥᔅᓵᓄᑦ ᖃᓄᖅ ᒫᓐᓇ ᓂᕈᐊᕈᓐᓇᕐᒪᖔᖅᐱᑦ ᐊᒻᒪᓗ ᖃᐅᑕᒫᑦ ᐊᑐᖃᑦᑕᕐᓂᐊᖅᑕᕐᓂᒃ. ᓂᕈᐊᕈᕕᑦ ᓂᕿᑦᑎᐊᕙᓐᓂᒃ ᑎᒦ ᑲᒪᒋᑦᑎᐊᖅᐸᑦ ᑕᕝᕙ.