ᐃᒥᖃᑦᑕᕈᕕᑦ, ᓯᒡᒐᓕᐊᖅᑐᖃᑦᑕᕈᕕᑦ ᐊᒻᒪᓗ ᐋᓐᖓᔮᕐᓇᖅᑐᖅᑐᖃᑦᑕᕈᕕᑦ ᑎᒥᓐᓄᑦ ᓱᕋᔅᓴᐅᑎᐅᕗᑦ ᐊᔾᔨᒌᓐᖏᑦᑐᒃᑯᑦ ᐊᑦᑐᐃᓂᖃᕈᓐᓇᖅᑐᓂ. ᐊᒥᓱᓂᒃ ᐃᓅᔪᓐᓃᖅᑐᖃᖃᑦᑕᖅᐳᖅ ᐊᕐᕌᒍᑕᒫᑦ ᐃᒥᓗᐊᖅᑐᒥᓂᕐᓂᑦ, ᐋᓐᓂᐊᓕᖅᐸᑦᑐᑎᓪᓗ ᓯᒡᒐᓕᐊᒧᑦ ᐊᒻᒪᓗ ᐋᓐᖓᔮᕐᓇᖅᑐᖅᑐᓗᐊᖅᑐᑎᒃ. ᐊᒻᒪᓗ ᑭᓇᑐᐃᓐᓇᖅ ᐃᒥᓗᐊᖅᐸᑦ ᐋᓐᖓᔮᕐᓇᖅᑐᖅᑐᓗᐊᖅᐸᓪᓘᓐᓃᑦ ᓱᑐᐃᓐᓇᕆᐊᖃᖅᐳᑦ ᐃᒻᒥᓐᓄᑦ ᐋᓐᓂᕈᑕᐅᒻᒪᕆᒍᓐᓇᖅᑐᓂᒃ. ᐱᓗᐊᖅᑐᒥ ᑯᔭᓐᓂᖅ, ᐃᒥᐊᓗᓐᓂᑦ ᐊᒻᒪᓗ ᐋᓐᖓᔮᕐᓇᖅᑐᖅᑐᕐᓂᖅ ᖃᓄᐃᑦᑑᔮᖅᐸᓐᖏᓚᑦ ᓱᕐᕋᓯᒪᑎᓐᓇᑕ.

ᓂᕈᐊᕐᓂᖅ ᓇᒻᒥᓂᖅ ᑲᒪᒋᑦᑎᐊᖔᕈᒪᓪᓗᑎᑦ ᐃᓚᖃᖅᐳᖅ ᑎᒥᓐᓂᒃ ᑲᒪᑦᑎᐊᕐᓂᕐᒥᑦ. ᐃᓱᒪᔅᓴᖅᓯᐅᑦᑎᐊᕆᐊᖃᖅᐳᑎᑦ ᖃᓄᑎᒋ ᐃᒥᖅᐸᒻᒪᖔᖅᐱᑦ, ᓯᒡᒐᓕᐊᖅᑐᖅᐸᒻᒪᖔᖅᐱᑦ ᐅᕝᕙᓘᓐᓃᑦ ᐋᓐᖓᔮᕐᓇᖅᑐᖅᑐᖅᐸᒻᒪᖔᖅᐱᑦ ᐊᒻᒪᓗ ᐃᕝᕕᑦ ᐊᑲᐅᒋᒻᒪᖔᖅᐱᐅᒃ ᓇᒻᒥᓂᖅ.

ᖃᕋᓴᐅᔭᒃᑯᑦ ᑐᑭᓯᒋᐊᕐᕕᔅᓴᐅᕗᑦ ᖃᓄᖅ ᐊᑦᑐᐃᓂᖃᓲᖑᒻᒪᖔᑕ ᐃᒥᐊᓗᒃ, ᓯᒡᒐᓕᐊᖅ ᐊᒻᒪᓗ ᐋᓐᖓᔮᕐᓇᖅᑐᖅ ᑎᒥᒧᑦ. ᐱᓗᐊᕈᒪᒍᓐᓃᕈᕕᑦ ᐃᒥᐊᓗᒻᒥᑦ, ᓯᒡᒐᓕᐊᒥᑦ ᐊᒻᒪᓗ ᐋᓐᖓᔮᕐᓇᖅᑐᒥᑦ ᐅᕝᕙᓘᓐᓃᑦ ᓄᖅᑲᑦᑎᐊᒻᒪᕆᒍᒪᒍᕕᑦ ᐅᑯᐊ ᖃᐅᔨᒋᐊᕐᕕᒋᔪᓐᓇᖅᐸᑎᑦ ᐃᓕᓐᓄᑦ ᐃᑲᔫᑎᖃᕈᓐᓇᕐᒪᑕ:

ᐃᒥᐊᓗᖃᑦᑕᕐᓂᖅ:

ᐃᒥᖅᑐᓃᓐᓂᖅ, ᑕᑯᔪᓐᓇᖅᐳᑎᑦ ᖃᓄᖅ ᐃᒥᖅᑐᑎᑦ ᐊᑦᑐᐃᔪᓐᓇᕐᒪᖔᖅ ᑎᒥᓐᓂᑦ ᐅᓐᓄᐃᓐᓇᖓᓂ.

ᓯᒡᒐᓕᐊᖅᑐᖅᑎᐅᓇᒃ ᑐᑭᓯᒋᐊᕈᑎᔅᓴᑦᑎᐊᕙᐃᑦ ᖃᓄᖅ ᓯᒡᒐᓕᐊᖅᑐᖃᑦᑕᕐᓂᖅ ᑎᒥᓐᓄᑦ ᐱᐅᓐᖏᑎᒋᒻᒪᖔᖅ ᐊᒻᒪᓗ ᐃᑲᔫᑎᔅᓴᐃᑦ ᖃᓄᖅ ᓄᖅᑲᕈᓐᓇᕐᒪᖔᖅᐱᑦ.

ᐋᓐᖓᔮᕐᓇᖅᑐᑦ

ᓯᓚᕐᔪᐊᕐᒥ ᒪᒃᑯᑦᑐᓄᑦ ᐋᖅᑭᓱᖅᑕᐃᑦ ᑐᑭᓯᒋᐊᕐᕕᔅᓴᐅᕗᖅ ᖃᓄᐃᑦᑑᒻᒪᖔᑕ ᐊᔾᔨᒌᓐᖏᑦᑐᑦ ᐋᓐᖓᔮᕐᓇᖅᑐᑦ ᐊᑐᖅᑕᐅᓲᑦ.