ᓄᓕᐊᕐᓂᕐᓗ ᐱᖁᔭᐃᓪᓗ

ᓄᓕᐊᕐᓂᕐᒧᑦ ᐱᔪᓐᓇᐅᑏᑦ ᓇᓗᓇᖅᑐᒻᒪᕆᐊᓘᖕᒪᑕ ᐊᒻᒪᓗ ᒪᓕᒐᓕᕆᔨᒃᑯᓐᓂᒃ ᐊᔾᔨᒌᙱᕈᓘᔭᖅᑐᐊᓗᒃᑯᑦ ᐱᓕᕆᔾᔪᓯᖃᐅᕐᖢᑎᑦ. ᑲᓇᑕᒥ ᒪᓕᒐᖅ ᐋᖅᑭᒃᓯᓯᒪᖕᒪᑦ ᓇᖕᒥᓂᖅᓱᕐᓂᕐᒧᑦ ᐱᔪᓐᓇᐅᑎᖃᕐᓂᕐᒥᒃ, ᐊᕐᕌᒍᕆᔭᐅᔪᑦ ᐊᖏᖅᑕᐅᔪᓐᓇᖅᑐᑦ ᐊᔾᔨᒌᙱᑦᑐᓄᑦ ᓄᓕᐊᕐᓂᐅᕙᒃᑐᓄᑦ, ᐱᖃᑎᑎᒃ ᐊᕐᕌᒍᖏᑦ, ᐊᑖᑕᒋᔭᐅᔪᑦ ᐊᓈᓇᒋᔭᐅᔪᓪᓗ ᐱᔪᓐᓇᐅᑎᖏᑦ ᐱᓕᕆᐊᒃᓴᖏᓪᓗ, ᐱᔪᓐᓇᐅᑏᑦ ᓯᖓᐃᓕᖅᑕᐃᓕᒪᓂᕐᒧᑦ, ᒪᓕᒐᐃᑦ ᓄᑕᖅᑲᓂᒃ ᐊᓐᓄᕋᐃᙶᙳᐊᖅᑐᓂᒃ ᐊᓯᖏᓪᓗ ᒪᓕᒐᐃᑦ ᐊᐅᓚᑦᑎᔾᔪᑎᖃᖅᑐᑦ ᓄᓕᐊᕐᓂᕐᒥᒃ ᐱᓕᕆᐊᒃᓴᖏᓐᓂᒡᓗ. ᐱᔭᒃᓴᖃᕋᕕᑦ ᐅᔾᔨᖅᓱᑦᑎᐊᕆᐊᖅᐸᒡᓗᑎᑦ ᒪᓕᒐᕐᓂᒃ ᓱᕋᐃᓕᙱᒃᑲᓗᐊᕐᒪᖔᖅᐱᑦ ᓄᓕᐊᕐᓂᕐᒧᑦ ᐊᐴᓪᓚᑎᓯᒪᓕᕌᖓᔅᓯ. ᐅᑯᐊ ᑕᕝᕙ ᖃᐅᔨᒪᔭᐅᔭᕆᐊᓖᑦ ᓄᓕᐊᕐᓂᐅᑉ ᒪᓕᒐᐅᓪᓗ ᒥᒃᓵᓅᖓᔪᑦ:

ᑭᓲᖕᒪᑦ ᒪᓕᒐᖅᑎᒎᖓᔪᖅ ᓄᓕᐊᕐᓂᖅ?
ᓯᕗᓪᓕᖅᐹᒥᒃ, ᑐᑭᓯᐅᒪᑦᑎᐊᓚᐅᕆᔅᓯ ᖃᓄᖅ ᑐᑭᖃᖅᑎᑦᑎᖕᒪᖔᑦᑕ ᐅᖃᐅᓯᖃᓕᕌᖓᑦᑕ "ᓄᓕᐊᕐᓂᕐᒥᒃ". ᑐᑭᖃᖅᐳᖅ ᖃᓂᒃᑯᑦ ᓄᓕᐊᕐᓂᖅ ᐅᕝᕙᓘᓐᓃᑦ ᑯᔭᖕᓂᕐᒥᒃ (ᐅᑦᑐᒃᑯᑦ ᐃᑎᑯᓪᓗ) ᐃᓚᓕᐅᔾᔨᓯᒪᓪᓗᓂᓗ ᐃᕿᑕᔪᖃᑦᑕᐅᑎᓂᕐᒥᒃ. ᓄᓕᐊᕐᓂᐅᓲᑦ ᖃᓄᐃᓕᐅᕐᓂᐅᕈᓘᔭᓲᖑᖕᒪᑕ ᐃᕿᑕᔪᖕᓂᕐᒥᒃ ᓄᓕᐊᖅᐸᓪᓕᐊᔪᒪᓗᓂ ᑯᓂᒃᓴᓗᖕᓂᕐᒧᑦ ᑯᔭᖕᓂᕐᒧᑦ. ᑐᑭᓯᒋᐊᕈᒪᒍᔅᓯ ᐃᑎᖅᑐᖅᑕᐅᖃᑦᑕᕐᓂᕐᒧᑦ, ᑕᑯᓗᒍ ᐃᒪᐃᓕᖓᔪᖅ 'ᖃᖓᒃᑯᓪᓕ 18-ᓂᒃ ᐅᑭᐅᖃᕆᐊᖃᕋᒪ ᓄᓕᐊᖅᑎᐅᓂᐊᕈᒪ?'

ᓄᓕᐊᕐᓂᖅ ᒪᓕᒐᖅᑎᒍᑦ ᓱᕋᒃᓯᓂᐅᕙᙱᓚᖅ ᑭᓯᐊᓂ ᑕᒪᕐᒥᒃ ᐱᖃᑎᒌᒃ ᐊᖏᖃᑎᒌᒃᓯᒪᒃᐸᑎᒃ ᐊᒻᒪᓗ ᒪᓕᒐᖅᑎᒍᑦ ᐊᒻᒪ ᐃᓱᒪᒥᒍᑦ ᑐᓐᓂᖅᑯᑎᒋᓯᒪᒃᐸᑎᒃ ᐃᖕᒥᖕᓄᑦ. ᖃᐅᔨᒪᔪᓐᓃᖅᓯᒪᒍᕕᑦ ᓯᓂᒃᑯᕕᓪᓘᓐᓃᑦ, ᒪᓕᒐᖅᑎᒍᑦ ᐊᖏᖅᓯᒪᕙᙱᓐᓇᕕᑦ. ᐃᒥᐊᓗᒃᓯᒪᓗᑎᑦ ᐊᖓᔮᕈᕕᑦ ᐅᔭᕋᒃᓯᒪᒍᕕᓪᓘᓐᓃᑦ, ᐃᓱᒪᑦᑎᐊᙱᑦᑐᓐᓇᖅᑐᒃᓴᐅᒐᕕᑦ ᐊᖏᓪᓚᑦᑖᕋᓗᐊᕐᒪᖔᖅᐱᑦ. ᒪᓕᒐᖅᑎᒍᑦ ᓱᕋᐃᙱᓪᓗᑎᑦ ᓄᓕᐊᕈᓐᓇᖅᐳᑎᑦ ᑭᓇᒧᒃᑭᐊᖅ ᐊᖏᖅᓯᒪᔪᒧᑦ ᐊᒻᒪᓗ ᐅᔭᕋᒃᓯᒪᙱᓪᓗᓂ ᐃᒥᐊᓗᒃᓯᒪᙱᓪᓗᓂᓘᓐᓃᑦ. ᐊᖏᖅᑕᐅᒍᕕᑦ, ᑭᓯᐊᓂᓕ ᐅᔭᕋᒃᓯᒪᓗᓂ ᐊᖓᔮᕐᓗᓂᓘᓐᓃᑦ, ᑐᑭᖃᖅᐳᕐᓕ ᑕᐃᒪ ᐋᒃᑳᕐᓂᕐᒥᒃ.

 

ᖃᖓᒃᑯᓪᓕ ᐱᖃᑎᒐ ᒪᒃᑯᓗᐊᕋᔭᖅᐸ ᓄᓕᐅᓂᒋᐊᒃᓴᖅ?
ᐊᕐᕌᒍᐃᑦ ᓱᖁᑕᐅᔪᑦ! ᑭᓇᑭᐊᖅ 16-ᖑᔭᕆᐊᖃᖅᐳᖅ ᐅᖓᑖᓄᓪᓘᓐᓃᑦ ᓄᓕᐊᖅᑕᐅᔪᒪᒃᐸᑦ ᐊᖏᕈᓐᓇᖅᑐᖅ.

  • ᒪᓕᒐᕐᒥᒃ ᓱᕋᐃᓂᐅᕗᖅ ᓄᓕᐊᕆᐊᒃᓴᖅ ᐅᑭᐅᑭᓗᐊᖅᑐᒥᒃ 14-ᓂ 16-ᒧᑦ ᐊᖓᔪᒋᔭᐅᑐᐊᕈᕕᓪᓗ ᐅᑭᐅᓄᑦ ᑕᓪᓕᒪᓄᑦ ᑕᐃᒪᓕ ᑕᐃᓐᓇ ᐃᓄᒃ ᐅᕝᕙᓘᓐᓃᑦ ᐃᕝᕕᖔᖅ ᐅᒃᐱᕆᔭᐅᑦᑎᐊᕈᕕᑦ ᐱᔪᓐᓇᕐᓂᖃᕈᕕᓪᓘᓐᓃᑦ ᑕᐃᒃᑯᓄᖓ ᒪᒃᑯᓗᐊᖅᑐᓄᑦ (ᓲᕐᓗ ᐃᓕᓴᐃᔨᐅᒍᕕᑦ, ᐱᙳᐊᖅᑎᓂᒃ ᑲᒪᔨᐅᒍᕕᑦ, ᐊᖓᔪᖅᑳᕆᔭᐅᒍᕕᑦ, ᐸᐃᕆᔨᒋᔭᐅᒍᕕᑦ, ᐊᖓᔪᒃᖠᐅᓗᑎᓪᓘᓐᓃᑦ ᐱᖃᓐᓇᕆᔭᐅᒍᕕᑦ).
  • ᒪᓕᒐᕐᒥᒃ ᓱᕋᐃᓂᐅᕗᖅ ᓄᓕᐊᕆᐊᒃᓴᖅ ᑭᓇᒥᒃᑭᐊᖅ ᐅᑭᐅᑭᓗᐊᖅᑐᓂᒃ 12-ᓂ 14-ᒧᑦ ᐊᕐᕌᒎᖕᓄᓪᓗ ᒪᕐᕉᖕᓄᑦ ᐊᖓᔪᒃᖠᐅᒍᕕᑦ ᐅᕝᕙᓘᓐᓃᑦ ᐅᒃᐱᕆᔭᐅᒐᓗᐊᕈᕕᑦ ᐅᑭᐅᑭᓗᐊᖅᑐᓄᑦ (ᓲᕐᓗ ᐸᐃᕆᔨᖃᕈᕕᑦ, ᐊᖓᔪᒃᖠᐅᓗᑎᓪᓘᓐᓃᑦ ᐱᖃᓐᓇᕆᔭᐅᒍᕕᑦ).
  • ᒪᓕᒐᕐᒥᒃ ᓱᕋᐃᓂᐅᕗᖅ ᑭᒃᑯᑐᐃᓐᓇᑦᑎᐊᓄᑦ ᓄᓕᐊᕆᐊᒃᓴᖅ ᐅᑭᐅᑭᓗᐊᖅᑐᓄᑦ 12-ᖑᒃᐸᑕ ᐊᑖᓂᓘᓐᓃᑦ,

 

ᖃᖓᒃᑯᓪᓕ 18-ᓂᒃ ᐅᑭᐅᖃᕆᐊᖃᕋᒪ ᓄᓕᐊᖅᑎᐅᓂᐊᕈᒪ?
ᑭᓇᑭᐊᖅ 18 ᑐᖔᓂ ᐅᑭᐅᖃᖅᐸᑦ ᐱᔪᓐᓇᕐᓂᖃᖅᑎᑦᑎᙱᓚᖅ ᓄᓕᐊᖃᑎᖃᕈᒪᒋᐊᒃᓴᖅ ᑭᓇᒧᒃᑭᐊᖅ ᐱᓕᕆᔨᐅᔪᒧᑦ ᐱᔪᓐᓇᕐᓂᖃᖅᑐᒧᑦ ᐅᒃᐱᕆᔭᐅᔪᒧᓪᓘᓐᓃᑦ (ᓲᕐᓗ ᐃᓕᓴᐃᔨᒧᑦ, ᐱᙳᐊᖅᑎᑦ ᑲᒪᔨᖓᓐᓄᑦ, ᐊᖓᔪᖅᑳᒥᓄᑦ, ᐸᐃᕆᔨᒥᓄᑦ, ᐊᖓᔪᒋᓗᓂᐅᒃ ᐱᖃᓐᓇᕆᔭᒥᓄᑦ). 18 ᐅᖓᑖᓂᑦ ᐅᑭᐅᖃᕆᐊᖃᖅᐳᑎᑦ ᐃᑎᖅᑐᖅᑎᐅᓂᐊᕈᕕᑦ ᑭᓯᐊ

 

ᐋᒃᑳᖅᖢᓂ ᑐᑭᖃᖅᐳᖅ ᐋᒃᑳᕐᓂᖅ
ᓄᓕᐊᕐᓂᕐᒧᑦ ᐊᖏᕐᓂᖅ ᑐᑭᖃᕐᒪᑦ ᐊᖏᕐᓗᓂ ᓄᓕᐊᕐᓂᐅᕈᓘᔭᖅᑐᓄᑦ. ᐊᖏᖅᑕᐅᓂᖅ ᐊᖏᖅᓯᓂᕐᓘᓐᓃᑦ ᐊᑐᖅᑕᐅᖏᓐᓇᐅᔭᕐᒪᑦ. ᐅᑯᐊ ᐃᖅᑲᐅᒪᐃᓐᓇᐅᔭᕆᐊᕐᓂᐊᖅᐸᓯᐅᒃ:

  • ᓂᐸᐃᓐᓂᖅ ᑐᑭᖃᖅᐳᖅ ᐋᒃᑳᕐᓂᕐᒥᒃ
  • ᐃᒥᐊᓗᒃᓯᒪᓗᓂ ᐊᖓᔮᕐᓂᖅ ᑐᑭᖃᖅᐳᖅ ᐋᒃᑳᕐᓂᖅ
  • ᐅᔭᕋᒃᓯᒪᓗᓂ ᑐᑭᖃᖅᐳᖅ ᐋᒃᑳᕐᓂᖅ
  • "ᒫᓐᓇᐅᙱᑦᑐᖅ" ᑐᑭᖃᖅᐳᖅ ᐋᒃᑳᕐᓂᖅ
  • ᓯᓂᒡᓗᓂ ᖃᐅᔨᒪᔪᓐᓃᖅᓯᒪᓗᓂᓘᓐᓃᑦ ᑐᑭᖃᖅᐳᖅ ᐋᒃᑳᕐᓂᕐᒥᒃ
  • ᐋᒃᑲ ᑐᑭᖃᖅᐳᖅ ᐋᒃᑳᕐᓂᕐᒥᒃ
  • "ᐄ" ᑐᑭᖃᖅᑐᑐᐊᖑᕗᖅ ᐊᖏᖅᓯᓂᕐᒥᒃ

ᑭᓇᑐᐃᓐᓇᑦᑎᐊᖅ ᐊᖏᕐᓂᖅᐸᑦ ᐊᑕᐅᓯᐊᕐᓗᓂ ᓄᓕᐊᖅᑕᐅᔪᒪᓗᓂ, ᑐᑭᖃᙱᒻᒪᑦ ᑭᓱᓕᒫᑦᑎᐊᓄᑦ ᐊᖏᖅᑎᐅᓂᖓᓂᒃ. ᑭᓇᑐᐃᓐᓇᑦᑎᐊᖅ ᐊᑕᐅᓯᐊᕐᓗᓂ ᓄᓕᐅᓂᖕᓂᖅᐸᑦ ᑭᖑᓪᓕᕐᒥ ᓄᓕᐊᕈᒪᙱᑐᐃᓐᓇᕆᐊᖃᖅᑐᑦ ᓯᕗᓂᑦᑎᓐᓂᓪᓘᓐᓃᑦ. ᖃᓄᓗᒃᑖᖅ ᓄᓕᐊᕐᓃᑦ ᐊᖏᖅᑕᐅᓯᒪᙱᓪᓗᑎᑦ ᖁᓄᔪᕐᓂᐊᕐᓂᐅᕗᖅ ᐱᕋᔭᖕᓂᐅᓪᓗᓂᓗ.

ᐃᓚᐅᓂᖅ ᓄᓕᐊᕐᓂᒃᑯᑦ ᑐᑭᓯᐊᖃᑦᑕᐅᑎᔭᕆᐊᖃᕐᒪᑕ ᐅᖃᖃᑎᒌᓪᓚᑦᑖᕐᓗᑎᒡᓗ. ᑕᒪᕐᒥᒃ ᐃᓄᐃᑦ ᓄᓕᐅᓂᒃᑐᑦ ᐱᔭᒃᓴᖃᖅᑐᐃᓐᓇᐅᕗᑦ ᑐᑭᓯᓇᑦᑎᐊᕐᓗᑎᒃ ᐊᖏᕆᐊᓖᑦ ᑐᑭᓯᓇᑦᑎᐊᕐᓗᑎᒡᓗ ᐊᖏᖅᑕᐅᓗᑎᒃ. ᐊᖏᖅᑕᐅᙱᑉᐸᑕ, ᑕᐃᒪᓕ ᑐᑭᖃᓯᓇᖅᓯᑲᐅᑎᒋᕗᖅ ᐋᒃᑳᖅᑕᐅᓂᕐᒥᒃ, ᐋᒃᑳᖅᑕᐅᒍᕕᑦ ᐊᖏᖅᓯᒪᖃᑕᐅᑐᐃᓐᓇᓪᓗᐊᖅᐳᑎᑦ.

 
Sexting
Sexting ᐃᒪᐃᑦᑑᕗᖅ ᐃᓕᖕᓂᒃ ᑕᑯᔭᐅᑎᑦᑎᓗᑎᑦ ᐊᓐᓄᕋᐃᙶᕐᓗᑎᑦ ᐃᓕᖕᓂᓪᓘᓐᓃᑦ ᐱᓕᕆᓗᑎᑦ, ᐅᖄᓚᐅᑎᕋᓛᖅᑎᒍᑦ ᑕᑯᒃᓴᐅᓐᓇᖅᑐᒃᑯᑦ, ᐊᒻᒪ ᓇᒃᓯᐅᑎᓗᒍ ᐊᓯᖕᓄᑦ ᑕᑯᖁᔭᕐᓄᑦ.

ᐱᕋᔭᖕᓂᐅᑐᐃᓐᓇᕆᐊᖃᖅᐳᖅ ᒪᕐᕉᖕᓄᑦ ᒪᒃᑯᒃᑑᖕᓄᑦ, ᑕᒪᕐᒥᒡᓗ 18 ᑐᖔᓂ ᐅᑭᐅᖃᑐᐊᖅᐸᑎᒃ, ᐸᐸᑦᑎᔭᕆᐊᒃᓴᖅ ᐊᓐᓄᕋᐃᖔᕐᓗᑎᒃ ᐊᔾᔨᖁᑎᖏᓐᓂᒃ ᓇᖕᒥᓂᖅ ᑕᑯᒐᓐᓈᒃᓴᖏᓐᓂᒃ - ᖃᓄᐃᙱᓐᓂᕋᐃᒐᓗᐊᖅᐸᓪᓘᓐᓃᑦ ᐱᖃᑎᖓ. ᐊᔾᔨᖁᑏᑦ ᐊᓯᖏᓐᓄᑦ ᓇᒃᓯᐅᔾᔭᐅᖃᑦᑕᖅᐸᑕ ᑕᒪᓐᓇᑦᑕᐅᖅ ᐊᑐᕐᓂᕐᓗᒡᕕᐅᓇᔭᖅᐳᖅ ᑲᓇᑕᒥ ᓄᑕᖅᑲᓂᒃ ᐊᓐᓄᕋᐃᙶᙳᐊᖅᑐᓕᕆᓂᕐᒥᒃ ᒪᓕᒐᖏᓐᓂᒃ ᑕᐃᓐᓇᓗ ᐃᓄᒃ ᓇᒃᓯᐅᔾᔨᓚᐅᖅᑐᖅ ᐊᔾᔨᙳᐊᒥᒃ ᐃᖅᑲᖅᑐᒐᒃᓴᙳᖅᑎᑕᐅᔪᓐᓇᑦᑎᐊᖅᐳᖅ. ᐊᒥᐊᓕᒐᐃᑦ ᓄᓇᖓᓐᓂᒃ ᖃᔅᓯᐊᕐᔪᖕᓂᒃ ᐃᖅᑲᖅᑐᖅᑕᐅᔪᖃᖃᑦᑕᖅᓯᒪᕗᖅ ᒪᒃᑯᒃᑐᓂᒃ ᐸᓯᔭᒃᓴᙳᖅᑎᑕᐅᖃᑦᑕᖅᓯᒪᔪᓂᒃ ᓴᖅᑭᑎᑦᑎᖃᑦᑕᕐᓂᕐᒥᓄᑦ ᑕᑯᔭᐅᑎᑦᑎᖃᑦᑕᕐᓂᖏᓐᓄᓪᓗ ᓄᑕᖅᑲᓂᒃ ᐊᓐᓄᕋᐃᙶᙳᐊᖅᑐᓂᒃ ᑕᑯᒃᓴᐅᑎᑕᐅᕙᒃᑐᓄᑦ sexting-ᑎᒍᑦ.
 
ᖃᔅᓯᒥᐊᓂᒃ ᐅᑭᐅᖃᕋᓗᐊᕈᕕᑦ, sexting-ᒥᒃ ᑕᑯᓐᓂᕈᕕᑦ ᐊᐃᓐᓈᓗᖔᖑᓈᖅᓯᓇᔭᕋᕕᑦ ᒫᓐᓇ ᐅᕝᕙᓘᓐᓃᑦ ᓯᕗᓂᒃᓴᑦᑎᓐᓂ. ᐃᓱᒪᙳᐊᕆᑦ!! ᐊᔾᔨᖁᑏᑦ ᑭᒃᑯᕈᓘᔭᕐᓄᑦ ᑕᑯᔭᐅᔭᕆᐊᖃᙱᑦᑐᖅ ᐃᓱᒪᖅᓲᑕᐅᓗᓂ ᐅᕝᕙᓘᓐᓃᑦ ᐱᔮᖅᑯᒨᙱᑦᑐᖅ ᓇᒃᓯᐅᔾᔭᐅᓐᓂᖅᐸᑦ ᐃᓄᒐᓵᓗᖕᓄᑦ, ᓴᖅᑭᑕᐅᓗᓂᓗ ᖃᕆᑕᐅᔭᒃᑯᑦ Facebook-ᒧᑦ, YouTube-ᒧᑦ ᐅᕝᕙᓘᓐᓃᑦ ᓇᐅᒃᑯᑐᐃᓐᓇᖅ ᐃᑭᐊᖅᑭᕕᒃᑎᒍᑦ. ᐃᓕᔅᓯᓐᓂᒃ ᐱᖃᑏᓪᓗ ᐃᒃᐱᒋᑦᑎᐊᖃᑦᑕᕆᔅᓯᒃ ᐊᓐᓄᕋᐃᙶᙳᐊᕐᓗᓯᒃ ᐊᔾᔨᖁᑎᔅᓯᓐᓂᒃ ᑐᓐᓂᖅᑯᑎᖃᕐᓂᐊᕌᖓᔅᓯ. 

ᓄᓕᐊᕐᓂᖅ ᐊᒻᒪ U (ᐅᕗᖓ ᐊᑦᑕᑕᕐᕕᒋᓗᒍ The Sexuality and U ᐃᑭᐊᖅᑭᕕᒃ ᑐᑭᓯᓇᕆᐊᓪᓚᒃᑐᓂᒃ ᑐᑭᓯᒋᐊᕐᕕᒃᑕᖃᖅᐳᖅ ᓄᓕᐊᕐᓂᐅᑉ ᒪᓕᒐᐅᓪᓗ ᒥᒃᓵᓄᑦ.