ᖃᓂᖅ ᐊᑐᕐᓗᒍ ᓄᓕᐊᓕᓲᖑᕗᑦ ᑖᒃᑯᐊᒃ ᐃᓄᑑᔫᒃ ᐊᐃᑉᐸᖓ ᑯᓂᒃᓴᑲᑕᓗᓕᖅᐸᑦ, ᐊᓗᐱᖅᓯᑲᑕᓕᖅᐸᑦ ᐅᕝᕙᓘᓐᓃᑦ ᐊᒫᒪᓕᖅᐸᑦ ᐊᐃᑉᐸᖓᑕ ᐊᑯᓐᓈᖏᓐᓂᒃ. ᐅᑯᐊ ᑕᐃᒎᓯᐅᒐᔪᒃᑐᑦ ᖃᓂᕐᒥᒃ ᐊᑐᕐᓗᓂ ᓄᓕᐊᕐᓂᕐᒧᑦ ᑐᕌᖓᔪᑦ "giving a blow job", "giving head", "going down" (ᐊᕐᓇᕐᒧᑦ ᑐᕌᖓᔪᖅ) ᐊᒻᒪ "rimming" (ᐃᑎᒃᑯᑦ). ᐃᒪᓐᓇᑦᑕᐅᖅ ᑕᐃᔭᐅᕙᒃᑭᓪᓗᓂ cunnilingus (ᐅᑦᑐᒃᑯᑦ), fellatio (ᐅᓱᒃᑯᑦ) ᐅᕝᕙᓘᓐᓃᑦ analingus (ᐃᑎᒃᑯᑦ).
ᓯᖓᐃᓕᕈᓐᓇᙱᒃᑲᓗᐊᖅᑎᓪᓗᑎᑦ ᖃᓂᒃᑯᑦ ᓄᓕᐊᕐᓂᖅᑎᒍᑦ, ᖁᐱᕐᕆᖃᑕᐅᖏᓐᓇᕈᓐᓇᖅᐳᑎᑦ ᐅᕝᕙᓘᓐᓃᑦ ᐱᖃᑎᖕᓄᑦ ᐊᐃᑦᑑᑎᖃᕈᓐᓇᖅᐳᑎᑦ. ᖃᓂᒃᑯᑦ ᓄᓕᐊᖅᑎᓗᑎᑦ ᓄᓕᐊᖅᑕᐅᓗᑎᓪᓘᓐᓃᑦ, ᐅᓲᑉ ᐴᖏᓐᓂᒃ ᐊᑐᕆᐊᖃᖅᐳᑎᑦ ᐅᕝᕙᓘᓐᓃᑦ ᐅᑦᑐᒃᑯᑦ ᐃᑎᒃᑯᓪᓘᓐᓃᑦ ᐴᕆᐊᓕᖕᓂᒃ ᐊᑐᕆᐊᖃᖅᐳᓯ ᖁᐱᕐᕆᑦᑐᒪᙱᑐᐊᕈᔅᓯᒃ. ᐃᓕᔅᓯᓐᓂᒃ ᐃᒃᐱᒋᖃᑦᑕᐅᑎᑦᑎᐊᖅᐸᒡᓗᓯ ᓴᐳᔾᔨᔾᔪᑕᐅᔪᓐᓇᖅᑐᓂᒃ ᐊᑐᖅᐸᒡᓗᓯ ᖁᐱᕐᕆᖃᑕᐅᖃᑦᑕᔾᔮᙱᓐᓇᔅᓯᒃ (ᐅᕝᕙᓘᓐᓃᑦ ᐱᖃᑏᑦ ᖁᐱᕐᕆᑎᔾᔮᙱᓐᓇᕕᐅᒃ).