ᐃᓄᐃᑦ ᓄᓕᐅᓂᒃᑐᑦ ᑯᔭᓲᖑᕗᑦ ᐊᓕᐊᓇᐃᒋᔭᖃᕋᒥᒃ ᑎᒃᓴᓂᕐᒥᒃ ᐊᒻᒪᓗ ᐃᒃᐱᒋᔭᑎᒃ ᓄᓕᐊᕐᓗᑎᒃ ᑭᓯᐊᓂᐅᓕᓲᖑᖕᒪᑦ. ᐃᑎᒃᑯᑦ ᑯᔭᒃᑕᐅᓲᖑᕗᑦ ᐅᓱᒃ ᐴᖅᑕᐅᑲᑕᓕᕌᖓᑦ ᐃᑎᕐᒧᑦ ᐊᖑᒻᒧᑦ ᐊᕐᓇᒧᓪᓘᓐᓃᑦ.
ᐃᑎᒃᑯᑦ ᑯᔭᒃᐸᒃᖢᓂ ᖁᐱᕐᕆᔾᔪᑕᐅᕙᒃᑐᓂᒃ ᓯᐊᒻᒪᒃᑎᕆᓐᓇᖅᐳᖅ, ᑭᓯᐊᓂᓕ ᓯᖓᐃᓕᕐᓇᙱᖦᖢᓂ. ᖃᐅᔨᒪᕙᒌᕈᔅᓯᒃ ᐃᑎᒃᑯᑦ ᑯᔭᖕᓂᐊᖅᑐᓯᒃ, ᑎᒥᓯ ᐃᒃᐱᒋᑦᑎᐊᕐᓗᓯᐅᒃ ᐱᖃᑏᓗ ᐊᑐᕐᓗᓯᒃ ᐅᓲᑉ ᐴᖓᓂᒃ ᖁᐱᕐᕆᔾᔮᙱᓐᓇᔅᓯᒃ (ᐅᕝᕙᓘᓐᓃᑦ ᐱᖃᑎᔅᓯᓐᓄᑦ ᐊᐃᑦᑐᕐᓘᑎᒋᔮᙱᓐᓇᔅᓯᐅᒃ).
ᐅᓲᑉ ᐴᖓᓂᒃ ᐊᑐᖃᑦᑕᑦᑎᐊᕐᓂᖅ ᖁᐱᕐᕆᓐᓇᙱᒃᑲᓗᐊᕐᒪᑦ ᐱᖃᑎᒌᓄᑦ ᐊᐃᑦᑐᕐᓗᖕᓇᙱᒃᑲᓗᐊᕐᒪᑦ. ᐃᒪᐃᑦᑐᖔᓂᑦᑕᐅᖅ ᐊᑐᖃᑦᑕᕐᓂᖅ ᐃᓱᒪᒋᔭᒃᓴᑦᑎᐊᕙᐅᒋᕗᖅ ᓴᕋᓕᖅᓯᒪᕙᒌᖅᑐᑦ ᒥᖑᐊᕈᑏᑦ ᓲᕐᓗ Astroglide© ᐊᒻᒪ K-Y© ᐃᑲᔫᑕᐅᔪᓐᓇᖅᑐᑦ ᐅᓲᑉ ᐴᖏᓐᓂᒃ ᐊᓕᒃᓴᕋᐃᓐᓇᙱᔾᔪᑕᐅᓪᓗᑎᑦ, ᐱᓗᐊᙳᐊᖅᑐᒥᒃ ᐃᑎᖅᑐᖅᑐᖃᕐᓂᐊᖅᑎᓪᓗᒍ.