ᓄᓕᐊᕐᓂᐅᑉ ᒥᒃᓵᓄᑦ ᐅᖃᐅᓯᒃᓴᖅᑕᖃᑦᑎᐊᖅᐳᖅ. ᑕᕝᕙᓂᓕ ᓴᖅᑭᑦᑎᓯᒪᕗᒍᑦ ᖃᔅᓯᑲᓪᓚᖕᓂᒃ ᒪᒃᐱᖅᑐᒐᕐᓂᒃ ᑐᑭᓯᒋᐊᒐᒃᓴᐅᓂᐊᖅᑐᓂᒃ ᑭᐅᔾᔪᑕᐅᔪᓐᓇᕐᓂᐊᖁᒐᓗᐊᖅᑕᕗᑦ ᐊᐱᖅᑯᑎᒃᓴᕆᕙᒃᑕᔅᓯᓐᓄᑦ ᓄᓕᐊᕐᓂᐅᑉ ᒥᒃᓵᓄᑦ. ᓇᓗᓇᐃᖅᓯᓯᒪᓕᖅᑐᒍᑦᑕᐅᖅ ᐊᓯᖏᓐᓂᒃ ᐃᑭᐊᖅᑭᕕᖕᓂᒃ ᑐᑭᓯᒋᐊᕐᕕᒋᔪᓐᓇᕋᔭᖅᑕᔅᓯᓐᓂᒃ ᐃᓱᒪᒋᔭᖃᕐᓂᕈᔅᓯᓘᓐᓃᑦ ᐊᐱᖅᑯᑎᒃᓴᒥᒃ ᑭᐅᓯᒪᙱᑕᑦᑎᓐᓂ ᑕᕝᕙᓂ.  

ᓄᓕᐊᕐᓂᖅ ᑭᓲᒐᓗᐊᕐᒪᑦ?
ᖃᓄᐃᑦᑑᓂᖓ ᒪᓕᒃᑕᐅᓲᖑᕗᖅ! ᐃᒪᐃᒐᔪᒃᑲᑦᑕ ᖃᓄᐃᓕᐅᕈᓯᑦᑎᓐᓂ ᐅᖃᐅᓯᖃᕋᔪᒃᖢᑕ - ᐊᕐᓇᐅᓂᕗᑦ ᐊᖑᑕᐅᓂᕗᑦ ᐃᓱᒪᒋᙱᖦᖢᑎᒍᑦ. ᓄᓕᐊᕐᓂᖅ ᐃᓚᓕᐅᔾᔨᓯᒪᔪᓐᓇᖅᐳᖅ ᓇᖕᒥᓂᖅ ᐱᓕᕆᔾᔪᓯᑦᑎᓐᓂᒃ - ᐃᓄᑑᓗᑕ ᐱᖃᑎᖃᖅᖢᑕᓘᓐᓃᑦ. ᑎᒃᓴᓕᖅᖢᓂ ᐊᓕᐊᓇᐃᒡᓕᒃᑲᕈᓘᖕᒪᑦ ᐊᒻᒪ, ᑕᐃᒪᐃᓐᓂᖓᓄᑦ, ᑕᐅᕗᖓᕐᔨᓕᕐᓇᖅᐳᖅ.

ᓄᓕᐊᓗᒃᖢᓂ ᐱᓕᕆᔾᔪᓯᐅᕙᒃᑐᑦ ᒪᑯᐊᖑᕗᑦ ᑯᓂᒃᓴᓗᓚᐅᕋᓗᐊᖅᖢᑎᑦ ᑯᔭᓕᖅᐸᒃᐳᑦ – ᑕᓯᐅᑲᑕᒃᖢᑎᓪᓘᓐᓃᑦ, ᐃᕿᑕᔪᒃᖢᑎᓪᓘᓐᓂᑦ, ᐱᖃᑏᓪᓘᓐᓃᑦ ᓇᐅᒃᑯᑐᐃᓐᓇᖅ ᑲᓴᓗᑲᑕᒃᖢᒍ. ᓄᓕᐊᕐᓂᒃᑯᑦ ᐱᓕᕆᔾᔪᓰᑦ ᐃᓄᑑᒐᓗᐊᕐᓗᑎᑦ ᐱᓕᕆᔾᔪᓯᐅᔪᓐᓇᕆᕗᑦ - ᓲᕐᓗ ᐃᒻᒥᒥᒃ ᒪᕿᑎᑦᑎᓂᖅ/ᐃᒻᒥᒥᒃ ᑎᒃᓴᔪᓐᓃᖅᑎᓪᓗᓂ ᐊᒃᓴᓗᕈᓘᔭᖅᖢᓂ.

ᓄᓕᐊᕐᓂᖅ ᐊᑦᑕᕐᓇᖅᑐᒦᓐᓇᖅᐳᖅ ᐊᓕᐊᓇᐃᒍᓱᖕᓂᕐᒦᑦᑐᓐᓇᖅᖢᓂᓗ. ᐃᓱᒪᑦᑎᐊᕐᓇᖅᐳᖅ ᐊᑦᑕᕐᓇᖅᑐᒦᓕᕈᑕᐅᓐᓇᖅᑐᓂᒃ ᐱᓕᕆᐊᕆᔪᓐᓇᖅᑕᕐᓂᒃ ᐃᖢᕆᓪᓗᑎᑦ ᐱᓕᕆᙱᓪᓗᑎᓪᓘᓐᓃᑦ. ᐃᓱᒪᑦᑎᐊᖅᐸᒌᖅᐸᒡᓗᑎᑦ ᓂᕈᐊᕆᔪᓐᓇᖅᑕᕐᓂᒃ ᐱᓕᕆᐊᕆᔪᒪᔭᕐᓄᑦ. ᓄᓕᐊᕐᓂᐅᑉ ᒥᒃᓵᓄᑦ ᐃᖢᕆᓐᓇᕆᙱᒃᑯᖕᓂ ᒫᓐᓇ ᒫᓐᓇ -ᐃᒃᐱᒋᔭᑦ ᐃᒃᐱᒋᑦᑎᐊᕐᓗᒍ ᐱᖃᑏᓪᓗ ᐃᒃᐱᒋᔭᕐᓂᒃ ᑐᓴᐅᒪᑎᓪᓗᒍ ᐃᒃᐱᒍᓱᖃᑕᐅᓂᐊᕐᒪᑦ. ᖃᓄᐃᙱᑦᑎᐊᕐᒪᑦ ᓄᓕᐅᓂᒍᒪᙱᑐᐊᕈᕕᑦ ᒫᓐᓇ.. ᑕᐃᒎᓯᓕᒡᓕ ᓄᓕᐊᕈᒪᙱᓐᓂᖅ – ᑖᓐᓇᓗ ᐱᕕᑐᐊᑦᑎᐊᖑᕗᖅ ᓇᖕᒥᓂᖅ ᓴᐳᑎᑦᑎᐊᖅᓯᒪᓂᕐᒧᑦ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᕙᒃᑐᓄᑦ ᐊᒻᒪ ᐸᕐᓇᒃᓯᒪᙱᓪᓗᓂ ᓯᖓᐃᓕᕐᓂᕐᒧᑦ.