ᐊᐃᑉᐹᕇᑦ ᖃᓄᐃᓐᖏᑦᑎᐊᖅᑐᑦ ᐃᓱᒪᒋᔭᐅᑦᑎᐊᓲᖑᕗᑦ ᐊᓯᒥᓐᓄᑦ. ᖃᓄᐃᓐᖏᑦᑎᐊᖅᑐᑦ ᐊᐃᑉᐸᕇᑦ ᑕᒪᒃᑮᒃ ᓇᒻᒥᓂᖅ ᖁᕕᐊᒋᑦᑎᐊᓲᖑᕘᒃ ᖁᕕᐊᒋᖃᑦᑕᐅᑎᑦᑎᐊᖅᑐᑎᓪᓗ.

ᒪᓕᑦᑐᒋᑦ ᑲᓇᑕᒥ ᐃᓅᓯᓕᕆᓂᕐᒧᑦ ᓇᔾᔨᔪᓕᕆᔩᑦ ᐊᒻᒪᓗ ᐃᓪᓕᐊᓕᕆᔩᑦ ᖃᓄᐃᑦᑎᑦᑎᐊᖁᓪᓗᒋᑦ ᐊᐃᑉᐸᕇᑦ ᑕᓪᓕᒪᐃᓕᖓᔪᓂᒃ ᐊᑑᑎᖃᑦᑎᐊᖅᐳᑦ:

• ᐅᓗᕆᐊᓇᖅᑐᒦᑦᑕᐃᓕᓂᖅ – ᑲᑉᐱᐊᓱᓐᖏᓪᓗᑎᑦ ᐊᐃᑉᐸᕕᑦ ᐋᓐᓂᕆᐊᖓᕕᑦ ᐃᓱᒪᒃᑯᑦ ᐅᕝᕙᓘᓐᓃᑦ ᑎᒥᒃᑯᑦ ᐊᒻᒪᓗ ᐋᓐᓂᕆᐊᖓ ᐃᓱᒪᒋᑦᑕᖏᓪᓗᒍ. ᐃᓱᒪᐃᑦ ᐊᓯᔾᔨᕈᓐᓇᑦᑎᐊᖅᐸᐃᑦ ᖃᓄᑐᐃᓐᓇᖅ (ᐃᓚᓕᐅᑎᓪᓗᒍ ᑯᔭᓐᓂᖅ) ᑲᑉᐱᐊᓱᓐᖏᓪᓗᑎᑦ ᐃᓱᒪᓕᐅᕈᓐᓇᕐᓗᑎᑦ.
• ᓱᓕᑦᑎᐊᕐᓂᖅ – ᐃᔨᕋᖅᑑᔾᔨᖃᑦᑕᖏᓪᓗᑎᑦ ᐱᒻᒪᕆᐅᔪᓂᑦ ᐊᐃᑉᐸᕐᓂᑦ ᐅᖃᕈᓐᓇᑦᑎᐊᕐᓗᑎᑦ ᖃᓄᖅ ᐃᓱᒪᒻᒪᖔᖅᐱᑦ ᐅᖃᕋᓗᐊᕈᕕᑦ ᑲᑕᑎᖅᑕᐅᖏᓪᓗᑎᑦ. ᐅᖃᑦᑎᐊᒻᒪᕆᒍᓐᓇᖅᐳᑎᑦ ᑕᒻᒪᕐᓂᕈᕕᑦ ᐊᒻᒪᓗ ᓂᕆᐅᒋᔪᓐᓇᕐᓗᒍ ᐅᖃᐅᓯᖃᖃᑦᑕᕈᓐᓇᕆᐊᖓ ᐊᐃᑉᐸᕆᔭᐃᑦ ᑕᒻᒪᕐᓂᖏᓐᓂᑦ.
• ᐊᖏᕈᑎᖃᖅᓯᒪᑦᑎᐊᕐᓂᖅ – ᐊᖏᕈᑎᒋᓯᒪᑦᑎᐊᕈᓐᓇᖅᐸᑦ “ᐋᖅᑮᓇᓱᐊᕐᒪᑦ” ᐊᑲᐅᓐᖏᓕᐅᕈᒻᒥᑦ. ᖁᔭᒋᑦᑎᐊᕐᓗᒋᑦ ᐊᐃᑉᐸᕕᑦ ᐱᐅᓂᕆᔭᖏᑦ.
• ᐃᓱᒪᒋᔭᖃᑦᑎᐊᕐᓂᖅ – ᐊᐃᑉᐸᐃᓪᓗ ᐃᓱᒪᒋᑦᑎᐊᖃᑦᑕᐅᑎᓗᓯᒃ. ᐊᐃᑉᐸᖓ ᒥᑭᓂᖅᓴᐅᓱᒋᒋᐊᖃᓐᖏᓚᖅ ᐊᖏᓂᖅᓴᐅᓱᒋᓗᓂᓘᓐᓃᑦ ᓇᐅᒃᑯᑐᐃᓐᓇᖅ ᐱᒻᒪᐅᔪᒃᑯᑦ. ᐃᓱᒪᒋᑦᑎᐊᕐᓗᒋᑦ ᐱᔪᓐᓇᕐᓂᓯᒃ ᐊᔾᔨᒌᓐᖏᑦᑑᓐᓂᒃ ᐃᓱᒪᖃᕋᔅᓯᒃ ᐊᒻᒪᓗ ᐃᓄᑑᑲᐃᓐᓇᖃᑦᑕᕈᓐᓇᑦᑎᐊᕐᓗᓯ ᐊᒻᒪᓗ-ᐅᕝᕙᓘᓐᓃᑦ ᐱᖃᓐᓇᕆᔭᔅᓯᓐᓃᒃ ᓇᔪᕈᓐᓇᑦᑎᐊᕐᓗᓯᒃ.
• ᖁᕕᐊᓱᓐᓂᖅ – ᐊᐃᑉᐸᕇᑦᑎᐊᕐᓂᖅ ᑐᑭᖃᖅᐳᖅ ᖁᕕᐊᓱᑦᑎᐊᕐᓂᕐᒥᑦ. ᖁᕕᐊᓇᓐᖏᑉᐸᑦ ᓱᕙᓕᑭᐊᖅ? ᐱᓐᖑᐊᖃᑎᒌᒍᓐᓇᖅᐳᓯᒃ ᐃᓪᓚᕋᓚᖃᑦᑕᕐᓗᓯᒃ (ᐃᔪᕋᓚᖃᑎᒌᓪᓗᓯᒃ). ᖃᓄᐃᓐᖏᑦᑎᐊᖅᑐᒥᑦ ᐊᐃᑉᐸᕇᓐᓂᕐᒥᑦ ᐆᒻᒪᕆᓐᓂᖅᓴᐅᕗᑎᑦ ᐊᐃᑉᐸᕐᓂᑦ ᓇᔪᖅᑎᓪᓗᑎᑦ.