ᖃᖓᓕᒫᖅ ᐅᑦᑐᒃᑯᑦ ᑯᔭᑦᑕᐅᖃᑦᑕᕐᓂᐊᕈᕕᑦ ᓇᔾᔨᓕᕈᓐᓇᖅᐳᑎᑦ.  ᐱᓂᒻᒪᕆᐅᕗᖅ ᐅᖃᖃᑎᒌᖅᑳᕈᔅᓯᒃ ᐊᐃᑉᐸᕆᓂᐊᖅᑕᐃᓪᓗ ᑯᔭᓚᐅᓐᖏᓂᔅᓯᓐᓂᒃ ᖃᓄᐃᒃᑲᔭᕐᒪᖔᔅᓯᒃ ᓇᔾᔨᓕᕐᓂᕈᕕᑦ.  ᐊᐃᑉᐸᐃᓪᓗ ᑲᓐᖑᓱᓐᖏᑦᑎᐊᕆᐊᖃᖅᐳᓯᒃ ᐅᖃᖃᑎᒌᑦᑎᐊᕈᓐᓇᕐᓗᓯᒃ ᓇᔾᔨᓂᐅᑉ ᒥᔅᓵᓄᑦ.  ᑕᒪᒃᑮᒃ ᐊᕐᓇᖅ ᐊᖑᓪᓗ ᐃᓱᒪᒋᔭᖃᑦᑎᐊᕆᐊᖃᖅᐴᒃ ᓇᒻᒥᓂᖅ ᑎᒥᒥᓂᓪᓗ ᐊᑲᐅᔅᓴᑦᑎᐊᕐᓗᑎᓪᓗ ᐃᓱᒪᓕᐊᒥᓐᓂᒃ ᑯᔭᓐᓂᐅᑉ ᒥᔅᓵᓄᑦ.

ᖃᖓᑐᐃᓐᓇᖅ ᓇᔾᔨᓕᕈᓐᓇᕋᕕᑦ ᑯᔭᑦᑎᓪᓗᓯᒃ ᐱᑕᖃᐅᖅᐳᖅ ᓇᔾᔨᓇᓐᖏᑦᑐᓂᒃ ᓇᔾᔨᔪᒪᓐᖏᑦᑐᓄᑦ.  ᐊᑐᖃᑦᑕᕐᓗᑎᑦ ᐴᕐᒥᑦ (ᐅᓱᒻᒧᑦ ᐅᕝᕙᓘᓐᓃᑦ ᐅᑦᑑᓐᓄᒃ) ᑯᔭᓐᓂᖅᑕᒫᑦ, ᐃᑲᔪᖅᐳᑎᑦ ᓇᔾᔨᑦᑕᐃᓕᓂᕐᒧᑦ ᓇᔾᔨᔪᒪᓐᖏᑦᑐᓄᑦ ᐊᒻᒪᓗ ᓴᐳᔾᔨᓯᓐᓈᖅᑐᑎᑦ ᐊᐃᑉᐸᐃᓪᓗ ᖁᐱᕐᕆᖁᓇᓯᒃ. ᐊᒥᓱᑲᓪᓚᐅᒋᕗᑦ ᐊᓯᖏᑦ ᐊᑐᕋᔅᓴᐃᑦ ᓇᔾᔨᓇᓐᖏᑦᑐᑦ ᐊᑐᐃᓐᓇᐅᔪᑦ ᐊᒻᒪᓗ ᐊᓯᖏᓐᓂᑦ ᓴᐳᑎᔾᔪᑎᔅᓴᓂᒃ ᐱᑕᖃᐅᖅᑐᓂ.  ᑯᔭᓐᓂᐅᑉ ᒥᔅᓵᓅᖓᔪᓂᑦ ᑐᑭᓯᒋᐊᕈᑎᓂᒃ ᐊᒥᓱᓂᒃ ᐱᑕᖃᖅᐳᖅ ᖃᕋᓴᐅᔭᒃᑯᑦ ᐅᑯᐊ ᖃᐅᔨᒋᐊᕐᕕᒋᓗᒋᑦ:

• ᖃᓄᖅ ᐅᓗᕆᐊᓇᓐᖏᑦᑐᒃᑯᑦ ᑯᔭᒍᓐᓇᖅᐱᑦ
• ᓴᐳᓐᓂᐊᕐᓂᖅ
• ᓇᔾᔨᓇᓐᖏᑦᑐᑦ