ᓇᔾᔨᔪᓐᓇᖅᐳᑦ ᑭᓯᐊᓂ ᐊᕐᓇᐃᑦ ᒪᓐᓂᖏᑦ ᐊᖑᑎᐅᑉ ᖃᐸᖓᓄᑦ ᐴᕐᕕᐅᑉᐸᑕ ᐊᒻᒪᓗ ᐃᓂᑖᖅᐸᑕ ᐃᓪᓕᐊᕐᒥᑦ. ᑕᕝᕙᓂ ᐆᒪᔾᔪᑏᑦ ᓴᖅᑭᐊᓲᖑᕗᑦ ᓄᖅᑲᖅᑎᑦᑎᓪᓗᑎᒃ ᐊᕐᓇᐅᑉ ᐊᐅᓈᕐᓂᕆᕙᑦᑕᖓᓂ ᓇᔾᔨᓕᖅᑐᓂᓗ.
- ᑕᖅᑭᑕᒫᑦ ᐊᕐᓇᐅᑉ ᒪᓐᓂᒃᑯᑯᖏᒃ ᐊᐅᓚᔾᔭᓲᖑᕘᒃ ᒪᓐᓃᔭᖅᑐᑎᓪᓗ ᐃᓗᐊᓄᑦ ᒪᓐᓂᖃᕐᕕᐅᑉ ᓱᓪᓗᓕᖏᓐᓄᑦ. ᑖᓐᓇ ᑕᐃᔭᐅᕗᖅ ᒪᓐᓂᔅᓴᓂᕐᒥᑦ. ᒪᓐᓂᓕᐅᖅᐸᑦ ᐊᖑᑎᐅᑉ ᖃᐸᖓᓄᑦ ᐴᕐᕕᐅᓕᖅᑐᓂ.
- ᒪᓐᓂᒃ ᓄᑕᕋᖅᓴᕈᕈᓐᓇᓗᐊᖅᐳᖅ ᑭᓯᐊᓂ ᐊᕐᓇᖅ ᐅᑦᑐᒃᑯᑦ ᑯᔭᑦᑕᐅᓐᓂᖅᐸᑦ ᐊᖑᒻᒧᑦ ᐊᒻᒪᓗ ᖃᐹᕿᓐᓂᖅᐸᑦ ᐃᓗᐊᓄᑦ ᖃᓂᒋᔮᓄᓐᓘᓐᓃᑦ ᐅᑦᑐᖓᑕ. ᖃᐸᖃᖅᐳᖅ ᑎᓱᓲᖑᓪᓗᓂ ᐊᕐᓇᐅᑉ ᐅᑦᑐᖓᑕ ᐃᓗᐊᓄᑦ ᑲᔪᓯᓪᓗᓂ ᐊᕐᓇᐅᑉ ᐃᓪᓕᐊᖓᓄᑦ ᐊᒻᒪᓗ ᐃᓗᐊᓄᑦ ᒪᓐᓂᒃᑯᕕᖓᑕ ᓱᓪᓗᖓᓄᑦ. ᖃᐸᐃᑦ ᐳᐃᔾᔪᕋᒃᑲᒻᒪᕆᐅᕗᑦ ᐊᒻᒪ ᓴᓇᓯᒪᕗᑦ ᕿᓂᕈᓐᓇᖅᑐᑎᒃ ᒪᓐᓂᓂᒃ.
- ᒪᓐᓂᒃ ᐃᓗᐊᓅᕐᕕᐅᑉᐸᑦ ᖃᐸᒧᑦ ᑕᖏᑖᓲᖑᕗᖅ. ᑖᓐᓇ ᐊᖏᓪᓕᕙᓪᓕᐊᓕᖅᑐᓂ ᑲᑎᓐᖓᐅᖅᑐᑎᒃ ᐃᔭᕈᕙᐅᔭᐃᑦ ᓄᑕᑕᕈᕈᒫᕐᓂᐊᖅᑐᕈᖅᑐᓂ ᐃᖏᕐᕋᓕᖅᑐᓂ ᐃᓪᓕᐊᕐᒧᑦ. ᑕᐃᑲᓂ ᐃᓂᑖᓕᖅᑐᓂ ᐊᕙᓗᖓᓂ ᐃᓪᓕᐊᑉ.
- ᐊᕐᓇᖅ ᓇᔾᔨᓕᓲᖑᕗᖅ ᑕᐃᓐᓇ ᓄᑕᕋᕈᕈᒫᕐᓂᐊᖅᑐᖅ ᐊᓂᐊᑦᑎᓕᕐᒪᑦ ᐆᒪᔾᔪᑎᓂᑦ ᓄᖅᑲᖓᔾᔪᑎᖏᓐᓂᑦ ᐊᐅᓈᖃᑦᑕᕐᓂᖓᓂᑦ.
ᐅᓇ ᖃᐅᔨᒋᐊᕈᓐᓇᖅᑕᐃᑦ ᑐᑭᓯᒋᐊᕐᕕᔅᓴᖅ ᐊᒻᒪᓗ ᑕᑯᒐᕐᓂᖅᑐᖅ ᑕᕐᕆᔮᖅ ᐅᕙᓂ: (http://www.plannedparenthood.org/teen-talk/watch/how-pregnancy-happens-26792.htm) ᒥᔅᓵᓅᖓᔪᖅ ᐊᖏᔪᖅᑳᖑᓂᕐᒧᑦ ᐸᕐᓇᐃᓂᕐᒥᑦ.