…ᐊᖑᑦ ᖃᐹᕿᓐᖏᑉᐸᑦ  ᑯᔭᑦᑎᓪᓗᒋᒃ ᐊᒻᒪ ᐅᕝᕙᓘᓐᓃᑦ ᐲᖅᐸᒍ ᐅᓱᓂ ᖁᓄᓚᐅᓐᖏᓐᓂᖓᓂ?
ᐄ, ᓇᔾᔨᓕᕈᓐᓇᖅᑐᑎᑦ. ᒥᑭᔪᕈᓘᒐᓗᐊᕐᒥᑦ ᖃᐅᓯᕐᒥᑦ ᖃᐸᖃᖅᐳᖅ ᐅᓱᖓᓃᓐᖔᖅᑐᒥᑦ ᖃᐹᕿᓚᐅᖅᑎᓐᓇᒍ. ᐱᒡᒐᓇᓲᖑᒋᕗᖅ ᐊᖑᑎᓄᑦ ᓄᖅᑲᖓᑎᒋᐊᖓ ᖁᓄᓂᖏᑦ ᑕᐃᒪᐃᒻᒪᑦ ᐲᓵᕈᓐᓇᖅᓯᕙᓐᖏᓚᑦ ᖃᐹᕿᓚᐅᓐᖏᓐᓂᖏᓐᓂᑦ.

…ᐊᕐᓇᖅ ᑯᔭᑦᑕᐅᑉᐸᑦ ᐊᐅᓈᖅᑎᓪᓗᒍ?
ᓇᔾᔨᓇᓐᖏᓂᖅᓴᐅᒐᓗᐊᖅ ᑭᓯᐊᓂ ᓇᔾᔨᔪᓐᓇᕆᕗᑎᑦ.  ᐱᔾᔪᑎᒋᓪᓗᒍ ᒪᓐᓂᒃ ᓱᓕ ᒪᓐᓂᖃᕐᕕᐅᑉ ᓱᓪᓗᖓᓃᒍᓐᓇᕐᒪᑦ, ᓇᔾᔨᑐᐃᓐᓇᕆᐊᖃᕈᓐᓇᖅᐳᖅ.

  …ᓯᕗᓪᓕᖅᐹᒥᑦ ᑯᔭᒃᑯᕕᑦ?
ᐄ, ᖃᖓᑐᐃᓐᓇᖅ ᐊᕐᓇᖅ ᑯᔭᖃᑎᖃᖅᐸᑦ ᐊᖑᒻᒥᑦ ᓇᔾᔨᓕᑐᐃᓐᓇᕆᐊᖃᖅᐳᖅ.  ᓱᖁᑕᐅᓐᖏᑦᑐᖅ ᓯᕗᓪᓕᖅᐹᕆᒐᓗᐊᕈᕕᒃ ᐅᕝᕙᓗ ᑭᖑᓪᓕᖅᐹᕆᒐᓗᐊᕈᕕᒃ.  ᐊᓪᓛᑦ ᐊᔪᕐᓇᓐᖏᓚᖅ ᐊᕐᓇᖅ ᐊᐅᓈᕆᐅᖅᓯᒪᓐᖏᒃᑲᓗᐊᖅᐸᑦ ᓇᔾᔨᔪᓐᓇᖅᐳᖅ ᐱᔾᔪᑎᒋᓪᓗᒍ ᒪᓐᓂᒃ ᖃᖓᑐᐃᓐᓇᖅ ᐊᓂᒍᓐᓇᕐᒪᑦ ᒪᓐᓂᒃᑯᕖᓐᓂᒃ, ᐊᑐᐃᓐᓇᐅᓕᕐᓗᓂ.  ᑕᐃᒪᐃᒻᒪᑦ ᐊᕐᓇᖅ ᓯᕗᓪᓕᖅᐹᒥ ᑯᔭᑦᐅᔪᖅ ᒪᓐᓂᓕᐅᕈᓐᓇᓕᖅᐸᑦ ᐊᔪᕐᓇᓐᖏᓚᖅ ᒪᓐᓂᖓ ᐃᓯᕐᕕᐅᔪᓐᓇᕐᒪᑦ ᖃᐸᒧᑦ ᓇᔾᔨᓕᕐᓗᓂᓗ.

…ᑯᔭᒃᑯᔅᓯᒃ ᑯᔾᔭᖓᓗᓯᒃ?
ᐄ.  ᖃᓄᖅᑑᕋᓗᐊᕈᕕᑦ ᑯᔭᓪᓗᑎᑦ ᓇᔾᔨᑦᑕᐃᓕᒪᓗᑎᑦ ᐊᑑᑎᖃᓐᖏᓚᖅ.  ᖃᐸ ᓴᓇᓯᒪᒻᒪᑦ ᓇᓂᓯᒋᐊᖃᖅᑐᓂ ᒪᓐᓂᒻᒥᒃ ᐊᒻᒪᓗ ᐆᒪᓲᖑᓪᓗᑎᒃ ᒪᕐᕉᓐᓂᒃ ᐅᓪᓘᓐᓂᒃ ᐊᕐᓇᐅᑉ ᑎᒥᖓᑕ ᐃᓗᐊᓂ ᒪᓐᓂᓯᐅᖅᑐᓂ.  ᖃᐸ ᐃᓯᖅᐸᑦ ᓇᔾᔨᔾᔪᑎᖏᓐᓄᑦ ᐊᕐᓇᐅᑉ ᓇᔾᔨᓕᕈᓐᓇᖅᐳᖅ - ᖃᓄᐃᖓᑐᐃᓐᓇᕐᓂᕋᓗᐊᖅᐸᑎᒃ ᑯᔭᑦᑎᓪᓗᒋᒃ.

  …ᐊᖑᑦ ᐃᒥᒐᖅᑐᒻᒪᕆᐅᑉᐸᑦ ᒪᐅᓐᑕᓐ ᑑ-ᖑᓂᕋᖅᑕᐅᔪᒥᒃ?
ᐄ.  ᑕᒪᓐᓇ ᓱᓕᓐᖏᓚᖅ ᐃᒥᒐᕐᓂᖅ ᒪᐅᓐᑕᓐ ᑑᒥᒃ ᐊᖑᑎᐅᑉ ᖃᐸᖏᓐᓄᑦ ᖃᑦᑏᓐᓇᕈᕆᐊᕈᑕᐅᒋᐊᖓ - ᑕᒪᓐᓇ ᓱᓕᓐᖏᑦᑎᐊᖅᐳᖅ.  ᒪᐅᓐᓇᑦ ᑑ ᐅᕝᕙᓘᓐᓃᑦ ᓂᕿᓄᑦ ᐊᒥᐊᕈᑎᖓ ᒪᐅᓐᑕᓐ ᑑᒦᑦᑐᖅ ᖃᐸᐃᔭᐅᑕᐅᓐᖏᓚᖅ ᐊᒻᒪᓗ ᓇᔾᔨᓐᖏᒍᑕᐅᔪᓐᓇᕐᓇᓂ ᐊᕐᓇᒧᑦ.

…ᐊᑐᕐᓂᕈᓐᓄᒃ ᒪᕐᕉᓐᓂᒃ ᐴᓐᓂᒃ ᐊᑕᐅᓯᐅᓐᖏᑦᑐᒥᒃ?
ᐊᔪᕐᓇᓐᖏᑐᐃᓐᓇᕆᐊᓕᒃ.  ᐱᐅᓐᖏᓚᖅ ᒪᕐᕉᓐᓂᒃ ᐊᑐᕋᓱᒋᐊᖓ ᐴᓐᓂᒃ ᐊᑕᐅᓯᐅᓐᖏᑦᑐᒥᒃ.  ᒪᕐᕉᓐᓂᒃ ᐊᑐᖅᑐᓂ ᑕᑦᑎᑖᕐᓂᖅᓴᐅᒻᒪᑦ ᑕᒪᒃᑮᓪᓗ ᓱᕋᒍᓐᓇᖅᑐᑎᒃ.  ᓴᐳᑎᔾᔪᑎᒃᑲᓐᓂᕐᒥᑦ ᐊᑐᕈᒪᒍᕕᑦ ᓇᔾᔨᓕᖁᓇᒃ ᐊᑐᕈᓐᓇᖅᐳᑎᑦ ᓴᓗᐊᔾᔭᐃᒃᑯᒻᒥᑦ ᓱᕋᖁᓇᒍ ᐴᖅ ᐅᕝᕙᓘᓐᓃᑦ ᐊᕐᓇᐃᑦ ᐊᑐᕈᓐᓇᖅᐳᑦ ᐋᓐᓂᐊᕕᒻᒥ ᐱᔭᐅᓲᓂᒃ ᐄᔭᒐᕐᓂᑦ ᓇᔾᔨᓇᓐᖏᑦᑐᓂᒃ ᐅᕝᕙᓘᓐᓃᑦ ᐊᓯᖏᓐᓂᑦ ᓇᔾᔨᓇᓐᖏᑦᑐᓂᒃ.

 …ᐊᓯᒻᒪ ᓇᔾᔨᓇᓐᖏᑦᑐᖏᓐᓂᑦ ᐄᓯᒍᒪ ᑯᔭᑦᑕᐅᓂᐅᓴᓕᕈᒪ?
ᐄ, ᐊᔪᕐᓇᓐᖏᓚᖅ.  ᐊᕐᓇᖅ ᓇᔾᔨᓇᓐᖏᑦᑐᖅᑐᖅᓯᒪᒋᐊᖃᖅᐳᖅ ᑕᖅᑭᓕᒫᖅ ᐊᑑᑎᖃᓕᕋᓱᐊᕐᓂᖓᓂ.  ᐊᒻᒪᓗ ᑕᐃᒃᑯᓂᖓ ᐊᓯᕕᑦ ᐄᔭᒐᖅᑕᖏᓐᓂᑦ ᐱᐅᔅᓴᓐᖏᑐᐃᓐᓇᕆᐊᖃᖅᐳᑎᑦ.  ᐊᓯᖏᓐᓂᑦ ᐄᔭᕋᕐᓂᖅ ᐱᒋᓐᖏᑕᖏᓐᓂᑦ ᐊᑦᑕᕐᓇᕈᓐᓇᖅᐳᖅ.

…ᐅᐊᓴᕈᒃᑭᒃ ᐅᑦᑑᒃᑲ ᐅᕝᕙᓘᓐᓃᑦ ᖁᐃᔭᖅᑐᕈᒪ ᑯᔭᒌᕈᒪ?
ᐄ, ᐊᔪᕐᓇᓐᖏᓚᖅ.  ᐅᐊᓴᕋᓗᐊᕈᕕᒋᒃ ᐅᑦᑑᒃᑭᒃ ᑯᔭᑦᑕᐅᕋᑖᖅᑎᓪᓗᑎᑦ ᓇᔾᔨᓕᕈᓐᓇᕐᓂᖅᓴᐅᖔᕋᔭᖅᐳᑎᑦ.  ᑕᒪᓐᓇ ᖃᐅᓯᖅ ᐊᔭᐅᕆᒍᓐᓇᕐᒪᑦ ᖃᐸᒥᑦ ᐃᓗᐊᓄᑦ ᐃᓪᓕᐊᕕᑦ ᑎᑭᒍᓐᓇᖅᑐᓂ ᒪᓐᓂᒻᒧᑦ ᒪᓐᓂᖃᕐᕕᐅᑉ ᓱᓪᓗᓕᖏᓐᓄᑦ ᐊᒻᒪᓗ ᓄᑕᕋᔅᓴᓕᐅᓕᕐᓗᓂ.  ᖁᐃᒐᓗᐊᕈᕕᑦ ᐊᑑᑎᖃᓐᖏᓚᖅ ᐱᓪᓗᒍ ᑕᒪᓐᓇ ᐃᑎᕈᖅ ᐃᑳᕐᕕᖃᓐᖏᒻᒪᑦ ᐃᓂᖓᒍᑦ ᖃᐸᐅᑉ ᐴᕐᕕᖓᑕ ᑎᒥᓐᓄᑦ.  ᖃᐸ ᐊᕐᓇᐅᑉ ᐃᓗᐊᓅᖅᐸᑦ ᓇᔾᔨᔪᓐᓇᐅᑎᖏᓐᓄᑦ, ᐲᕋᔅᓴᐅᒍᓐᓃᓲᖑᕗᑦ.

 …ᑯᔭᒃᑯᓐᓄᑦ ᐅᕕᓂᓐᓂᐊᕐᓗᓄᒃ ᐅᕝᕙᓘᓐᓃᑦ ᐳᐃᔾᔪᕋᕐᓗᓄᒃ?
ᐄ.  ᐊᖑᑦ ᖃᐹᕿᑉᐸᑦ ᐊᕐᓇᐅᑉ ᐅᑦᑐᖓᑕ ᐃᓗᐊᓄᑦ ᐅᕕᓂᓐᓂᐊᖅᑎᓪᓗᒋᒃ ᐅᕝᕙᓘᓐᓃᑦ ᐳᐃᔾᔪᕋᖅᑎᓪᓗᒋᒃ ᑕᐃᒫᔅᓴᐃᓐᓇᖅᑕᐅᖅ ᓇᔾᔨᓕᕈᓐᓇᖅᐳᖅ ᓇᒥᑐᐃᓐᓇᐅᒐᓗᐊᖅ ᑯᔭᓐᓂᖅᐸᑎᒃ.  ᑭᓯᐊᓂᓕ ᐊᖑᑦ ᖃᐹᕿᑉᐸᑦ ᐳᐃᔾᔪᕋᕐᕕᒻᒧᑦ ᐅᕕᓂᓐᓂᐊᕐᕕᒻᒧᓪᓘᓐᓃᑦ (ᐃᒻᒪᔅᓯᒪᔪᒧᑦ ᑯᕕᓐᖏᑦᑐᒧᑦ) ᐊᕐᓇᒥᑦ ᐊᐃᑉᐸᖃᖅᑐᓂ ᑕᐃᒃᑯᐊ ᖃᐸᐃᑦ ᐳᐃᔾᔪᕋᕈᓐᓇᕋᔭᓐᖏᓚᑦ ᐃᒫᓂᑦ ᐊᕐᓇᒨᕋᓱᐊᕐᓗᑎᒃ. 

ᐱᐅᓐᖏᓂᖅᓴᐅᕗᖅ ᑯᔭᒋᐊᖓ ᐃᒪᓕᐅᑉ ᐅᕕᓂᓐᓂᐊᕐᕕᐅᑉ ᐅᕝᕙᓘᓐᓃᑦ ᐳᐃᔾᔪᕋᕐᕕᐅᑉ ᐃᓗᐊᓂ ᐱᓪᓗᒍ ᑯᔭᑦᑐᓯᒃ ᐃᒪᖅ ᐃᓗᐊᓅᖅᑲᕈᓐᓇᕐᒪᑦ ᐅᑦᑑᓐᓄᒃ ᐊᒻᒪᓗ ᓱᕈᕈᑕᐅᔪᓐᓇᖅᑐᓂ.  ᑭᓯᐊᓂᓕ ᑕᒪᓐᓇ ᐃᒫᓃᓐᓂᖅ ᐃᑲᔫᑎᖃᓐᖏᓚᖅ ᓇᔾᔨᑦᑕᐃᓕᓇᓱᐊᕐᓂᕐᒧᑦ.
 
…ᐊᐃᑉᐸᕋ ᐃᒻᒥᓂᒃ ᐱᓐᖑᐊᕆᓗᓂ ᖃᕌᐱᖅᑳᖅᐸᑦ ᑯᔭᓚᐅᓐᖏᓂᑦᑎᓐᓂᒃ?
ᐄ. ᐊᖑᑦ ᖃᑦᑏᓐᓇᐅᓂᖅᓴᓂᒃ ᖃᐸᐃᔭᕋᓗᐊᖅᐸᑦ ᓱᓕ ᐊᓯᔾᔩᓐᖏᓚᖅ 200 ᒥᓕᐊᑐᐃᓐᓇᐅᒐᓗᐊᖅᐸᑕ ᖃᐸᐃ 500 ᒥᓕᐊᖑᒍᓐᓇᑎᓪᓗᒋᑦ.  ᑕᐃᒃᑯᐊ ᐊᑐᓂ ᖃᐸᐃᑦ ᑕᐃᒫᑎᒋ “ᓴᓐᖏᓂᖃᖅᐳᑦ” ᐊᒻᒪᓗ ᑕᐃᒫᔅᓴᐃᓐᓇᖅ ᐱᓇᓱᐊᕐᓂᖃᖅᑐᑎᒃ ᒪᓐᓂᔅᓯᐅᖅᑐᑎᒃ.  ᖃᐸ ᐆᒪᒍᓐᓇᖅᐳᖅ ᒪᕐᕉᓐᓄᑦ ᐅᓪᓘᓐᓄᒃ ᐱᕕᔅᓴᓕᒻᒪᕆᐅᓪᓗᑎᒃ ᕿᓂᖅᑐᑎᒃ ᒪᓐᓂᒻᒥᒃ.

…ᑯᔭᓐᓂᖅᐹᖓ ᐃᑎᒃᑯᖔᖅ?
ᓇᔾᔨᓕᕈᓐᓇᕆᕗᑎᑦ. ᖃᐸ ᕿᕐᓛᕐᓂᖅᐸᑦ ᐃᑎᕐᒥᑦ ᐴᕈᓐᓇᕆᕗᖅ ᐅᑦᑑᓐᓄᒃ ᓇᔾᔨᓕᕐᓗᑎᓪᓗ.  ᑕᐃᒪᐃᒻᒪᑦ ᐃᑎᒃᑯᑦ ᑯᔭᓐᓂᖅ ᐱᐅᓂᖅᐹᖑᓐᖏᓚᖅ ᓇᔾᔨᓕᖅᑕᐃᓕᔪᓄᑦ.  ᐱᐅᓂᖅᓴᐅᕗᖅ ᓇᔾᔨᓇᓐᖏᑦᑐᓂᒃ ᐊᑐᖔᕐᓗᓂ, ᓲᕐᓗ ᐴᕐᓂᑦ ᐊᒻᒪᓗ-ᐅᕝᕙᓘᓐᓃᑦ ᐊᓯᖏᓐᓂᑦ ᓇᔾᔨᓇᓐᖏᑦᑐᓂᒃ.

…ᐅᓱᖓ ᐊᒫᒪᓐᓂᕈᒃᑯ ᐄᓗᒍᓗ ᖃᐸᖓ?
ᐋᒡᒐ.  ᐊᕐᓇᖅ ᓇᔾᔨᓕᕈᓐᓇᓐᖏᓚᖅ ᐅᓱᒻᒥᑦ ᐊᒫᒪᓐᓂᖅᐸᑦ ᐄᓯᒐᓗᐊᖅᐸᑦ ᖃᐸᒥᑦ.  ᐊᕐᓇᖅ ᓇᔾᔨᓕᕈᓐᓇᖅᐳᖅ ᑭᓯᓂᐊ ᖃᐸ ᐅᑦᑐᖓᑕ ᐃᓗᐊᓅᕐᓂᖅᐸᑦ.

 …ᐊᐃᑉᐸᕋ ᖃᐹᕿᑉᐸᑦ ᐅᕙᖓ ᖃᕐᓕᖏᓐᓄᑦ?  ᖃᐸ ᐊᓐᓄᕌᒃᑰᕈᓐᓇᖅᐹ?
ᐋᒡᒐ, ᐊᓐᓄᕌᑦ ᓄᖅᑲᖓᔾᔪᑕᐅᔪᓐᓇᖅᐳᑦ ᖃᐸᒧᑦ.

ᖃᐅᔨᒪᑦᑎᐊᕆᐊᖃᖅᐳᑎᑦ ᑭᓱᑦ ᓱᓕᒻᒪᖔᑕ ᐊᒻᒪᓗ ᓱᓕᓐᖏᒻᒪᖔᑕ ᑯᔭᓐᓂᐅᑉ ᒥᔅᓵᓄᑦ.  ᐊᒥᓲᕗᑦ ᓱᓕᓐᖏᑦᑐᑦ ᐅᖃᐅᓯᐅᓲᑦ ᑕᖅᑳᓂ ᖃᓄᖅ ᐊᕐᓇᖅ ᓇᔾᔨᔪᓐᓇᕐᒪᖔᖅ ᓇᔾᔨᓐᖏᒍᓐᓇᕐᒪᖔᕐᓗ.  ᐊᒥᓲᕗᑦ ᑭᒃᑯᑐᐃᓐᓇᐃᑦ ᐅᖃᖃᑦᑕᕐᓂᐊᖅᑐᑦ ᓱᓕᓐᖏᑦᑐᓂᒃ ᐅᑉᐱᕈᓱᓕᖅᑎᑦᑎᒐᓱᐊᕐᓗᑎᒃ ᓱᓕᓂᕋᐃᓪᓗᑎᒃ.  ᑯᔭᓚᐅᓐᖏᓂᓐᓂ ᓇᒻᒥᓂᖅ ᐃᓱᒪᒋᑦᑎᐊᕆᐊᖃᖅᐳᑎᑦ ᖃᐅᔨᒋᐊᕐᓗᑎᑦ ᑭᓱᑦ ᓱᓕᔫᒻᒪᖔᑕ ᓇᒻᒥᓂᖅ ᐊᐃᑉᐸᕐᓂᓪᓗ