ᓄᓇᕗᒻᒥ ᐱᕙᓪᓕᐊᔪᑦ

Wed, 02/03/2010 - 14:26 — chrism

ᓄᓇᕗᒥᐅᑦ ᓴᖅᑭᑎᑦᑎᓯᒪᓕᖅᐳᑦ ᐃᑭᐊᖅᑭᕕᒃᑖᓵᒥᒃ ᓈᒻᒪᖅᑰᑦᑎᑦᑎᐊᖅᖢᑎᓪᓗ ᓄᓇᕐᔪᐊᒥ ᖃᓄᐃᙱᑦᑎᐊᕐᓗᓂ ᓄᓕᐊᕈᓐᓇᕐᓂᖅ ᐅᓪᓗᖃᓛᓕᖅᑎᓪᓗᒍ, ᕕᕗᐊᕆ 12, 2010-ᒥ. ᓄᑖᖑᓪᓗᓂ ᓄᓕᐊᕐᓂᒃᑯᑦ ᖃᓄᐃᙱᑦᑎᐊᕈᓐᓇᕐᓂᖅ ᐱᓕᕆᐊᕐᒥᒃ ᓴᖅᑭᑦᑐᖃᓕᒑᑦᑎᐊᓕᕐᒪᑦ ᓄᓇᓕᔅᓯᓐᓄᑦ ᐊᑭᓐᓇᒥᐅᑕᖅᑕᖃᖅᖢᓂᓗ ᒪᓂᒻᒪᒃᑎᑕᐅᓂᐊᖅᑐᑦ ᖃᑯᒍᑦᑎᐊᑯᓗᒃ. ᐃᒪᐃᓕᐅᖔᕈᒪᒍᕕᓪᓘᓐᓃᑦ, ᐊᑭᓐᓇᒥᐅᑕᒃᓴᑦ ᖃᕆᑕᐅᔭᒃᑯᑦ ᐱᔪᓐᓇᕆᕙᔅᓯ ᓇᕿᑦᑎᑐᐃᓐᓇᕐᓗᑎᑦ ᐊᑦᑕᑕᕐᕕᐅᔪᓐᓇᖅᑐᓄᑦ ᓇᓗᓇᐃᖅᓯᒪᔪᑦ ᐊᑖᓂ ᒪᓕᒡᓗᒋᑦ. 

ᐊᒻᒪᑦᑕᐅᖅ, ᓇᐅᑦᑎᖅᓱᖃᑦᑕᕐᓂᐊᖅᐳᓯ ᐅᓲᑉ ᐆᖏᓐᓂᒃ ᐊᑐᒐᒃᓴᓂᖅ ᖁᕕᐊᒋᔭᐅᔪᓐᓇᖅᑐᓂᒃ. ᑕᖅᑭᑕᒫᑦ ᓴᖅᑭᔮᖅᑎᑦᑎᖃᑦᑕᕐᓂᐊᖅᑐᖅ ᓄᑖᓂᒃ ᑕᐅᑦᑐᖃᖅᑎᑕᐅᕙᒡᓗᑎᑦ, ᑕᖅᓴᖏᑦ ᐊᔾᔨᒌᙱᕈᓘᔭᖅᐸᒡᓗᑎᑦ ᖃᓄᕈᓘᔭᕐᓗ ᑎᐱᖃᐅᕐᓗᑎᑦ. ᐱᑐᐃᓐᓇᕆᐊᖃᖅᑎᑉᐸᒡᓗᓯᐅᒃ ᐸᐸᖃᑦᑕᖅᓯᐅᒃ ᐊᑐᕆᐊᖃᓕᕐᓂᕌᖓᕕᒋᑦ ᐃᓕᖕᓂᒃ ᓴᐳᑎᓯᒪᔪᓐᓇᖃᑦᑕᕐᓂᐊᕋᕕᑦ! ᐳᐃᒍᖅᑕᐃᓕᒋᑦ - ᑕᒪᔅᓯᒃ ᐱᖃᑏᓪᓗ ᐃᒃᐱᒋᔭᐅᑦᑎᐊᕆᐊᖃᖅᑐᐃᓐᓇᐅᒐᔅᓯᒃ.

ᐱᒋᐊᕐᕕᖓ

Wed, 02/03/2010 - 17:48 — chrism

ᐃᒻᒥᒥᒃ ᐃᒃᐱᒋᔭᖃᑦᑎᐊᕐᓂᖅ ᐱᒻᒪᕆᐅᓛᖑᖃᑕᐅᖕᒪᑦ ᐃᓱᒪᓕᐊᕆᕙᒃᑕᑦᑎᓐᓂ.

ᐃᒪᓐᓇ ᑐᑭᖃᕈᓐᓇᕐᒪᑦ ᐅᕙᑦᑎᓐᓂᒃ ᑲᒪᒋᑦᑎᐊᕈᓐᓇᕐᓗᑕ – ᑎᒥᒃᑯᑦ, ᐃᒃᐱᒋᔭᒃᑯᑦ, ᐃᓱᒪᒃᑯᑦ ᓄᓕᐊᕐᓂᒃᑯᑦ ᓇᖕᒥᓂᕐᓗ ᓴᐳᑎᓯᒪᔪᓐᓇᕐᓗᑕ ᐃᓅᖃᑎᖃᖅᐸᖕᓂᕆᔭᑦᑎᓐᓂᒃ.

ᐃᒪᓐᓇ ᑐᑭᖃᕐᒥᖕᒪᑦ ᐃᒻᒥᒥᒃ ᐅᒃᐱᕆᔭᖃᑦᑎᐊᕐᓂᖅ ᐊᔪᙱᑦᑎᐊᕐᓂᕐᓗ ᑐᕌᒐᕆᓇᓱᒃᑕᑦᑎᓐᓂᒃ ᐱᓇᔪᐊᖃᖅᑎᓪᓗᑕ ᐊᓯᑦᑎᓐᓄᓪᓗ ᐃᒃᐱᒋᔭᐅᑦᑎᐊᕆᐊᖃᕐᒥᒐᑦᑕ. ᐃᓅᖃᑎᒌᖕᓂᕐᒧᑦ ᓄᓕᐊᕐᓂᕐᒧᓪᓗ ᐊᐴᑎᓯᒪᓕᕌᖓᑦᑕ, ᐅᕙᑦᑎᓐᓂᒃ ᐃᒃᐱᒋᑦᑎᐊᕈᑦᑕ ᐃᓱᒪᓕᐅᕈᓐᓇᕐᓗᑕ ᓇᐅᒃᑯᑦ ᓈᒻᒪᒃᑐᒃᑰᕋᓗᐊᕐᒪᖔᑦᑕ, ᑐᓴᐅᒪᑎᑕᐅᑦᑎᐊᕐᓗᑕᓗ ᖃᓄᐃᓕᐅᕐᓂᓗᒃᑖᑦ ᓄᓕᐊᕐᓂᐅᑉ ᒥᒃᓵᓄᑦ ᑐᕌᖓᔪᓐᓇᖅᑐᓂᒃ - ᖃᓄᖅ ᑎᒦᑦ ᐱᖃᑎᕕᓪᓗ ᑎᒥᖓ ᐊᐅᓚᓂᖃᓲᖑᖕᒪᖔᑦ ᖃᓄᐃᓕᔾᔪᑕᐅᓲᖑᖕᒪᖔᓪᓗ ᐃᓅᖃᑎᒌᑦᑎᐊᖅᑐᓄᑦ.

Syndicate content